Steve Wijayawickrama Challenges Self to a 12-Hour Iloilo Adventure

Isang umaatikabong adventure na naman ang hatid ni Team Payaman content creator Steve Wijayawickrama matapos nitong libutin ang Iloilo City.

But wait, hindi tipikal na travel vlog ang hatid ni Steve. Ito ay matapos hamunin ang kanyang sarili na puntahan ang bawat bayan sa nasabing siyudad sa loob lang ng labing dalawang oras. 

Exploring Iloilo in 12 hours?

Sa kanyang bagong vlog, ibinahagi ni Steve ang kanyang pagbisita sa tinaguriang Heart of the Philippines, ang Iloilo City.

Kakaiba ang atakeng hatid ng nasabing ng Filipino-Pakistani vlogger dahil sinubukan lang naman nitong libutin ang Iloilo sa loob ng 12 oras.

“I’m standing at the left edge of Iloilo here at San Joaquin and I’m going to be crossing the entire map in a span of 12 hours. The journey will be a total of 204 kilometers,” panimula ni Steve.

Bukod sa oras na kanyang dapat pagkasyahin, isa rin sa mga challenge na kinaharap ni Steve ay ang pagtitipid ng kanyang budget na isang libong piso.

Buong tapang na hinarap ni Steve ang sariling challenge kung kaya naman agad itong naglibot ang humingi ng suporta mula sa kanyang mga nakakasalamuha. 

“[Do] you think I can finish it?” tanong ni Steve sa isang driver.

Sagot naman nito: “You can go there if you start at 3AM. It’s too late, you can’t finish it one day,”

Hindi pinanghinaan ng loob ang editor-turned-vlogger kaya naman nag patuloy pa rin ito sa kanyang Iloilo adventure.

Isa rin sa mga pakana ni Steve ay ang pag-iiwan ng marka ng Team Payaman sa bawat bayan ng Iloilo 

“I need you guys and the locals to know that I was here. So that we’ll be leaving markings in each and every city [we’ll reach],” paliwanag ni Steve. 

Una nang tinatakan ni Steve ang Miagao Church, ang unang makasaysayang lugar sa Iloilo na kanyang napuntahan.

Sunod na pinuntahan ng ni Steve ang Gimbal at hindi pinalampas ang pagkakataon na mag-iwan ng palatandaan ng kanyang pagbisita. Diretso Tigbauan naman si Steve matapos itong makipagkita sa isang Team Payaman fan. 

Hindi pa man nakakatagal ay narating na rin ni Steve ang Oton at agad nagtungo sa Iloilo City sabay dikit ng Team Payaman sticker sa isang pader tapat ng SM City Iloilo.

Sunod naman sa listahan ni Steve ay ang Leganes na agad rin nitong nilisan matapos itong mag-iwan ng kanyang marka. 

Pagkatapos ay nagtungo rin si Steve sa iba pang lugar sa Iloilo gaya ng Zaraga, Pototan, Dingle, at Passi na nagsisilbing center point ng kanyang ruta.

Sa kalagitnaan ng pagbabaybay ay nakaramdam si Steve ng kaunting pagkabalisa: “I really don’t know what will happen!” aniya.

Nang marating na ni Steve ang Passi, nagpahinga muna ito at kumain bago sumabak muli sa matinding paglilibot.

Agad nitong binaybay ang San Rafael, na sinundan ng pagpunta sa Lemery. Ngunit bago pa man makarating sa kanyang destinasyon ay pinanghinaan na ito ng loob dala ng malakas na ulan at matagal na paghihintay. Matapos ang ilang oras ay narating na rin ni Steve ang Carles.

The Realizations

Labis ang tuwa ni Steve nang marating na nito ang Carles, Iloilo na kung saan nagtapos ang kanyang challenge.

“The moment na nakita ko yung signage na nagsasabing ‘Welcome to Carles,’ napatulala na lang ako tapos ‘di ko namalayan, lumuluha na pala mata ko,” kwento ni Steve.

Bukod sa masayang ala-ala ay maraming ding aral ang natutunan si Steve mula sa kanyang Iloilo adventure.

“Going into this video, sobrang daming uncertainties sa buhay ko, sa career ko, hindi ko alam actually kung ano na ang mangyayari. Pero this journey taught me that life is about accepting these uncertainties.” 

Watch the full vlog below:

Likes:
0 0
Views:
68
Article Categories:
VIYLINE ENTERTAINMENT NEWS

Leave a Reply

Your email address will not be published. Required fields are marked *