Tuwing sasapit ang bagong taon, usong-uso ang pagkakaroon ng “New Year’s Resolution” o yung mga bagay na nais mong baguhin sa iyong sarili o nakagawian. Pero imbes na New Year’s Resolution ay ibinahagi ni Yow Andrada ang kanyang short-term goals na nais matupad ngayong 2023.
Sa kanyang bagong vlog, buong tapang ding inilahad ng tinaguriang “content material” ng Team Payaman ang naging life-changing decision na ginawa niya noong 2022.
Hindi lingid sa kaalaman ng marami na bukod sa vlogging ay pinasok na rin ni Anthony Jay Andrada, a.k.a Yow, ang pag-aartista. Kung dati ay lumalabas lang ito sa mga music video, noong 2022 ay sumabak na rin ito sa acting matapos mapabilang sa Net 25 sitcom na “Quizon CT.”
“What is that something you did for this year na sobrang hindi mo malilimutan?” tanong ni Yow sa kanyang masugid na manonood.
Para kay Yow, ito ay ang pagsali sa nasabing gag show at pagtupad sa kanyang pangarap na maging isang ganap na aktor.
“For some reason ito yung desisyon ko sa buhay na talagang nag open sa eyes ko kung anong meron sa paggawa ng gag show or in an internet slang called content,” ani Yow.
Dahil dito, sinusubukan din aniya niyang gawin sa kanyang mga vlogs ang mga natutunan sa paggawa ng TV show.
Samantala, ibinahagi rin ng naturang Team Payaman member ang kanyang mga “short-term goals” na nais matamo ngayong 2023.
Unang una na riyan ay ang mapabilang siya bilang aktor sa isang pelikula.
“Alam ko suntok sa buwan, pero alam ko din na mahaba ang aking braso para suntukin yung buwan,” paliwanag ni Yow.
Isa rin sa kanyang nais magawa ngayong taon ay ang maka-trabaho ang tinaguriang “Star for All Season” ng Philippine Showbiz na si Vilma Santos.
Ayon kay Yow, kung noong nakaraang taon ay binigyan siya ng pambihirang pagkakataon para masampal ng nag-iisang “Diamond Star” Maricel Soriano, ngayong taon ay nais naman niyang masampal ni Ate V!
Isa pa sa mga goals ni Yow ngayong taon ay magkaroon ng mini-series para sa karakter nyang si Waldo. Kaya naman nanawagan ito sa kanyang 2.58 million subscribers na tulungan siya na mag-isip ng ideya para sa niluluto niyang “Waldo Series.”
Watch the full vlog below:
Sa pinakabagong vlog, pinasaya ni Zeinab Harake ang kaniyang ultimate idol fangirl heart nang matupad…
Naghatid ng saya sa mga taga-suporta ng Team Payaman ang bagong Facebook post ni Viy…
Ilang buwan na ang lumipas mula nang maging opisyal nang family of four ang pamilya…
Halfway through the year, and with the unpredictable weather, it’s best to be prepared with…
Masayang sinalubong ng mag-asawang Malupiton at Joy Ravanera ang pinakabagong parte ng kanilang pamilya. Tunghayan…
Cuteness overload ang hatid ni Kidlat sa kanyang Spidey-soccer training na ibinahagi ng Team Payaman…
This website uses cookies.