Ilang oras na lang ay Noche Buena na! Handa na ba ang mga putaheng pagsasaluhan niyo sa pagsalubong sa Pasko?
Kung nag-iisip ka pa rin hanggang ngayon, pwes hatid ni Team Payaman member Jaime De Guzman, a.k.a Dudut Lang ang ilang putaheng tiyak na bubusog sa buong pamilya.
Chef Dudut
Hindi lingid sa kaalaman ng lahat na ang dahilan ng pagpasok ni Dudut sa Payamansion 1 ay upang maging resident chef ng Team Payaman.
Sa kanyang bagong vlog, ipinamalas ni Dudut ang kanyang galing sa pagluluto at ipinakilala sa manonood ang bago nitong segment na “Dudut’s Kitchen.”
“Hi, I am Dudut! I love cooking, and I love my friends. Putting them together makes I love cooking for my friends,” panimulang banat ni Chef Dudut.
“Welcome to Dudut’s Kitchen na kung saan hindi mo kailangan masyadong galingan, pero dapat siguraduhin mong lahat ng titikim, masasarapan!” dagdag pa nito.
Sa unang pagkakataon, ibinahagi ni Dudut ang kagustuhan na ipagluto ang mga kaibigan sa Payamansion.
Pampano 3 Ways
“Ang lulutuin ko ngayong gabi ay ang ipinagbabawal na Pampano. Nung nabalitaan ko ‘yon, nag-isip ako ng lutong pwedeng gawin sa Pampano” kwento ni Chef Dudut.
Iba’t-ibang putahe ng nasabing isda ang inihanda ni Dudut para sa kanyang kapwa Team Payaman members, una na rito ang Steamed at Inihaw na Pampano.
Ayon kay Chef Dudut, ang paghahanda sa Steamed at Inihaw na Pampano ay nagsisimula sa pagbabad ng isda sa pinaghalong toyo, asukal, cooking wine, sesame oil, luya, bawang, at leeks.
Sweet and Sour Pampano naman ang sunod na inihanda ni Dudut, kung saan ang mga isda ay binudburan ng asin at paminta bago iprito. Para naman sa sweet and sour sauce, pinaghalo ni Dudut ang tomato sauce, asukal, paminta, at juice mula sa Del Monte Pineapple Tidbits.
Food Tasting
Matapos ang ilang oras na paghahanda, pinatikim na ni Chef Dudut ang kanyang masterpiece sa iba pang miyembro ng Team Payaman.
Agad na dumating sina Cong TV, Burong, Junnie Boy, Steve, at iba pang Team Payaman Wild Dogs upang matikman ang inihanda ni Dudut.
Tila nag-enjoy ang grupo sa kanilang Pampano dinner dahil agad nasimot ang mga putaheng inihanda ni Chef Dudut.
Watch the full vlog below:
