Kamakailan lang ay yumanig ang social media sa pasabog na pregnancy announcement nina Team Payaman power couple Christian Ezekiel Gaspar, a.k.a Boss Keng at Pat Velasquez-Gaspar.
Ngayon naman ay ibinahagi naman ng dalawa kung paano nila sinabi ang magandang balita sa kanilang pamilya at malalapit na kaibigan.
Unang ipinaalam ni Pat ang pagbubuntis sa kanyang malalapit na kaibigan na tinipon nito sa isang Zoom call meeting.
“I’m pregnant!” anunsyo ni Pat.
“May tanong lang ako, pwede ba kayong maging ninang?” dagdag pa nito.
Isang “prayer reveal” naman ang ibinahagi ng kaibigan ni Pat, kung saan ipinakita ang mga sulat-kamay ng mga katagang “Mabuntis si Patricia V. Gaspar before 2022 ends!” na sinulat niya noong Aug. 9
Kwento pa ni Mrs. Gaspar sa mga kaibigan, nakakaramdam na sya ng paglilihi dahil nahihilig ito sa pancit, ayaw makaamoy ng butter, at nakakaranas na rin ng morning sickness.
Samantala, halos nagtatalon naman sa tuwa ang pamilya nina Pat at Keng sa balitang nagdadalang tao na ito.
“Keng, ang galing mo! Tumira ng tres!” ani Venice Velasquez.
Ikinagalak naman nina “Mama Revlon” at “Papa Shoutout” ang pagdating ng kanilang ika-apat na apo.
“Noong nasa Singapore kami, nandoon sila naman nasa Batanes, nagtetext kami ni Keng. ‘Pag-uwi nyo buntis na yan ha! Yan ang pinaka regalo nyo sa’kin sa Pasko’ sabi ko. Sabi nya ‘Sige po, sige po!’ kwento ni Papa Shoutout.
“Merry Christmas, Papa!” bati ni Boss Keng sa kanyang biyenan.
At syempre, hindi mawawala ang mga nakakatuwa at nakakaantig ng pusong reaksyon ng Team Payaman na kasama nina Pat at Keng sa Payamansion.
Hindi naiwasan maging emosyonal ng mag nobyong Dudut Lang at Clouie Dims nang malaman na limang linggo ng buntis si Pat.
“Sabi ko na iyakin ‘tong dalawang ‘to! Sa lahat ng iyakin, itong mag jowang ‘to yung talagang for the cry!” biro ni soon-to-be Mommy Pat.
Sa pamamagitan naman ng isang video call pinarating ng dalawa ang balita kina Cong TV at Viy Cortez na noon ay nasa Singapore at nasa byahe patungong Malaysia.
“Meron akong chismis, ‘wag nyo sasabihin kahit kanino! ‘Wag nyong ipagkakalat ha?” bungad ni Pat.
“Buntis ako!” dagdag nito.
Napasigaw naman sa tuwa ang mag-fiance sa sasakyan at halos walang paglagyan ang tuwa at excitement para kina Pat at Keng.
“Congrats, Pat at Keng! I love you guys!” ani Cong sa kapatid at bayaw.
“Ang saya naman non!” dagdag nito matapos ibaba ang telepono.
Watch the full vlog below:
Sa isa na namang episode ng ‘Cooking Ina’ serye ni Viy Cortez-Velasquez, good vibes at…
Isang nakakatuwang balita ang hatid ng Team Payaman content creator na si Yow Andrada sa…
Matapos ang ilang buwang paghihintay, ibinahagi na ng content creator at actress na si Sachzna…
Isa na namang kakaibang lutuin ang hatid ni Jaime Marino de Guzman, a.k.a Dudut Lang,…
Muling kinagiliwan ng netizens ang Team Payaman mother-and-son duo na sina Mommy Viy Cortez-Velasquez…
Sa pinakabagong episode ng ‘Kags, Help,’ ipinakita ni Chino Liu, kung paano niya hinaharap ang…
This website uses cookies.