The only way is up ika nga ni Team Payaman headmaster Cong TV dahil tampok lang naman ang kanyang food business na Big Roy’s Boodle Fight by Team Payaman sa isang infotainment show ng GTV na iJuander.
Bukod sa kanyang matagumpay na business venture ay naitampok din sa nasabing palabas ang ilan sa mga hindi malilimutang kaganapan sa kasaysayan ng pinakasikat na vlogger group sa bansa, ang Team Payaman.
Sa pinakabagong episode ng iJuander, tampok ang tinaguriang “The Best Boodle Fight Restaurant of the South,” ang Big Roy’s Boodle Fight by Team Payaman na pagmamay-ari ng 31-anyos na vlogger na si Cong TV at kababata nitong si Anthony John Navea.
Dala ng usapang boodle fight, hindi nawala sa listahan ang Big Roy’s dahil bukod sa masarap na putahe nito ay talaga namang abot kaya ang presyo nito.
Ibinahagi ni Cong TV ang isa sa dahilan ng kanyang pagbubukas ng sariling boodle fight restaurant.
“After nung pandemic, [kapag] kasama mo yung pamilya mo, nami-miss mong kumain ng sabay-sabay, magkakasama kayo.”
Bukod sito, nabanggit din ng first-time dad sa iJuander team na malapit nsa kanyang puso ang nasabing negosyo dahil sa madalas na pagsasalo kasama ang malalapit na pamilya at kaibigan.
Ibinida rin sa nasabing palabas ang isa sa mga matagal nang sumusuporta sa grupo ng Team Payaman na si Joyce Fulgencio.
Aniya, 2016 pa lang ay taga-haga na siya ni Cong TV at ng buong Team Payaman.
“Noong grade 10 po ako, narinig ko po yung expression na ‘Pawer’ [so] na-curious po ako. Hanggang sa pinanood ko na po sila,” pagbabahagi ng dalaga.
Bilang pasasalamat sa mga biyayang kanyang natanggap, binigyan ni Cong TV ng blowout ang isa sa kanyang milyun-milyong taga-hanga na si Joyce.
Isang munting regalo ang hatid ni Cong TV para kay Joyce at kanyang barkada —libreng boodle fight fiesta mula sa Big Roy’s Boodle Fight by Team Payaman sa Pasay City.
At syempre, hindi rin pinalampas ng ni Cong ang oportunidad upang ipahatid ang kanyang pasasalamat sa naturang tagahanga.
“Madam Joyce, maraming maraming salamat sa pag-suporta mo palagi sa Team Payaman. Sana magtagumpay ka sa karerang tinatahak mo, and ayon God bless sa’yo, and sana ma-meet kita soon,” ani Cong TV.
Sagot naman ng dalaga: “Thank you, Cong TV and whole Team Payaman!”
Watch the full episode here:
Isang kwelang hamon ang tinanggap ng Team Payaman moms na sina Viy Cortez-Velasquez, Pat Velasquez-Gaspar,…
Matapos ang kanilang huling release na “LASON” noong December 5, 2025, muling nagbalik ang Filipino…
Getting through school mornings can be challenging for both children and parents. Young learners often…
Hindi lang ang ganda ng dagat ang nasaksihan ng Team Payaman sa kanilang bakasyon sa…
Isang panibagong content na naman ang hatid ni Viy sa kanyang latest vlog kung saan…
Matapos ibida ang kanilang Taiwan travel diaries, sunod naman ipinasilip ng Team Payaman member na…
This website uses cookies.