First but definitely not the last. Yan ang tema ng bagong travel vlog hatid ni Team Payaman driver-turned-vlogger Michael Magnata, a.k.a Mentos. Ito ay matapos niyang ibahagi sa netizens ang kanyang unang bakasyon sa tinaguriang “Surfing Capital of the Philippines,” ang Siargao Island.
Kasama ang ilang miyembro ng Team Payaman, pinasilip ni Mentos ang kanyang malupit na Siargao Life Experience sa loob ng isang linggo.
Sa kanyang bagong vlog, ibinahagi ni Mentos ang mga kaganapan sa likod ng kanyang kauna-unahang pagbisita sa Siargao.
Bago pa man sumabak sa matinding surfing at island hopping, nag-batak muna sa alak sina Mentos at kapwa Team Payaman driver na si Kuya Terio. Ayon sa dalawa, ang alak ay nagsisilbing pampatulog nila para mag pahinga bago ang isang linggong puno ng gala.
“Dapat kapag pupunta kayo ng Siargao, dapat ganito ang ritwal!” ani Mentos.
Kinabukasan, maagang gumising ang Team Payaman upang isagawa ang mga plano nilang aktibidad, unang una na rito ang island hopping.
Pero bago ang lahat, naghanap muna ng makakainan ang TP Drivers upang magkaroon ng laman ang kanilang tiyan bago pa sumabak sa malupit na mga aktibidad. Syempre, isinaalang-alang din nina Mentos ang paghahanap ng ‘budget friendly’ na kainan.
“Yung budget ko, limited lang eh. Kaya mas prefer kong kumain sa mga karinderya” paliwanag ni Mentos.
Kasama ang ilang miyembro ng Team Payaman sabay-sabay na nagsaya ang grupo sa kanilang unang aktibidad.
Guyam Island ang unang destinasyon ng kanilang island hopping, na siyang nakapagpamangha sa grupo ng Team Payaman dahil sa angking ganda nito.
Sinulit na rin ni Mentos ang kanyang unang bakasyon sa Siargao sa pagtatampisaw sa mala-kristal na tubig dagat sa ilalim ng matarik na araw, kasama ang certified TP Kids na si Mavi.
Sunod namang sumabak sa snorkeling ang Team Payaman. Bagamat takot sa malalim na tubig, game na game na sinamahan nina Boss Keng at Dudut si Mentos sa kanyang first underwater experience sa Siargao.
“Kumuha talaga ako ng life vest kasi takot ako sa malalim [na tubig]” depensa ni Mentos.
Syempre, hindi kumpleto ang first time Siargao experience kung hindi mararanasan ni Mentos na mag-surf magagandang alon ng isla.
Watch the full vlog below:
Christmas and New Year, known as the season of giving, inspire many to search for…
As the New Year approaches, many Filipino families are seeking unique ways to make…
Matapos ang apat na taon, oras na para tuparin ni Ninong Ry ang kanyang pangako…
Para sa ikatlong episode ng ‘Tsuper Dad’ serye ni Marlon Velasquez Jr., a.k.a Junnie Boy,…
Sa nakaraang Christmas Party ng Team Payaman, hindi lang basta salu-salo ang naganap, nagkaroon din…
Isang kwela at full-of-adventure vlog ang hatid nina Viy Cortez-Velasquez at mister niyang si Lincoln…
This website uses cookies.