Matapos ang tagumpay na pagbubukas sa publiko ng bagong business venture ni Viy Cortez na TP Kids, sumabak naman sa pang malakasang photoshoot ang cute na cute na mga modelo mula sa mga bagets na miyembro ng Team Payaman.
Sa pagkakataong ito, next-gen Team Payaman members naman ang bibida sa bagong produkto ng VIYLine Group of Companies.
Sabay-sabay nating silipin ang naganap na photoshoot na pinangunahan nina Mavi Velasquez, Sam Ragos, at Rasec Sabino.
TP Kids Photoshoot
Sa pinakabagong vlog ni Viviys, ibinahagi ng 26-anyos na vlogger ang photoshoot na ginanap para sa negosyo nitong TP Kids.
Hatid ng The Baby Village ang cute na setup na saktong-sakto sa tema ng mga produktong educational books at toys.
Bukod kay Baby Zeus Emmanuel Cortez Velasquez, a.k.a Kidlat, ang mga cute na cute na chikiting ng Team Payaman din ang magiging mukha ng nasabing negosyo.
Kabilang sa mga cute TP Kids ambassadors ay sina Mavi Velasquez– panganay nina Junnie Boy at Vien Iligan-Velasquez; Sam Ragos – pamangkin ni Viy; at Rasec Sabino na anak ni Team Payaman driver Michael Sabino.
Unang sumalang sa posing ang bunsong anak ng nakatatandang kapatid ni Viy na si Ate Ivy Cortez-Ragos. Animoy professional model ang 4-anyos na si Sam-Sam suot ang kanyang pink dress.
“Guys, tignan nyo yung pamangkin ko, hindi pa nagsisimula [yung photoshoot], pero ayan na yung ginagawa [nagpo-pose]!” pagmamalaki ni Tita Viy.
Samantala, bago pa man sumabak sina Mavi at Rasec sa nasabing photoshoot bumuhos ang luha ni Mavi bago nito nailabas ang matatamis na ngiti sa harap ng camera.
Matapos ang matagumpay na photoshoot, ipinahatid ni Ate Ivy ang kanyang pasasalamat sa pagtupad ng pangarap ng kanyang anak na si Sam na maging model.
Sa isang Facebook post, ibinahagi nito ang kanyang pasasalamat kay Viy sa pagkuha sa kanyang anak bilang mukha ng negosyo nitong TP Kids.
“Nung sinabe ni Sam sa akin na gusto niya maging model. Kaya grabe galak ko nung sinabe ni Viy na kasama si Sam sa shoot ng TP Kids,” ani Ate Ivy.
“Gustong gusto talaga ni Sam mag model… Lagi niya sinasabe sa akin. F na F ihhhh. Goodjob ka anak!!! and Goodjob din Mavi and Rasec!!! ang galing niyooooo,” dagdag pa nito.
Watch the full vlog below:
