Pat Velasquez-Gaspar Shares Glimpse of Her ‘Tita Duties’ with Baby Kidlat and Jasmine

Mukhang day off muna sa pagiging businesswoman si Team Payaman member Pat Velasquez-Gaspar matapos ipasilip sa publiko ang “Tita Duties” niya sa mga pinsan at pamangkin. 

Kabilang na dito ang pa-back-to-school shopping nya para sa pinsan na si Jasmine at ang unang beses na alagaan si Baby Kidlat.  Kamusta naman kaya ang pagiging stage tita ni Mrs. Gaspar?

Back-to-School Shopping

Dahil balik face-to-face classes na ang mga bata, to the rescue si Pat Velasquez-Gaspar para ipamili ng mga gamit sa eskwela ang kanyang pinsan na si Jasmine at kapatid nito. 

Ayon kay Pat, mahusay sa kanyang pag-aaral si Jasmine kaya naman hindi nakakahinayang bilhan ang mga pangangailangan nito. Kabilang sa mga pinamili ni Tita Pat para kay Jasmine ay ang bagong black shoes, bag, at school supplies. 

Pinasilip din nito na umabot sa tumataginting na P14,059 ang kanilang mga pinamili. Kaya naman biro nito kay Jasmine: “Sinasabi ko sa’yo, Jasmine, pag ikaw hindi nag-aral maigi, babawiin ko yan. Sisingilin ko yang 14,000!”

Bukod sa pamimili ng mga gamit ay hinihikayat din niya si Jasmine na mag-aral ng mabuti. 

“China-challenge ko sya at mino-motivate ko rin yung bata. Sabi ko sa kanya, once na pasok ka sa top 10 or with honors ka, bibigyan kita ng laptop.”

Paliwanag ni Mrs. Gaspar, bilang bunso sa magkakapatid na Cong TV, Venice Velasquez, at Junnie Boy ay naghahanap siya ng little sister noong bata pa sila. Kaya naman nang dumating si Jasmine ay naging kapatid na ang turing niya dito. 

Hindi rin napigilan ni Pat na alalahanin ang  pinagdaanan ng kanyang mga magulang para lang makapag-aral silang magkakapatid. 

“Alam mo ba na-feel ko kanina yung hirap ng buhay natin dati, kasi nung namimili ako ng gamit ni Jasmine, (naisip ko) siya palang nag-iisang bata pa lang ang gastos na. What more nung kaming apat na nag-aaral tapos pag back-to-school na lahat kami bibilhan nila mama ng gamit,” kwento nito kay Mommy Jo Velasquez. 

First Buhat kay Kidlat

Samantala, sa kanyang bagong vlog ay pinasilip din ni Pat Velasquez-Gaspar ang unang beses na alagaan ang panganay nina Cong TV at Viy Cortez.

Kitang-kita kung paanong tila nakipag-agawan pa ito sa pagbuhat kay Baby Zeus Emmanuel Cortez Velasquez, a.k.a Kidlat. 

“So guys first time ko mabuhat si Kidlat, kasi hindi talaga pinapabuhat si Kidlat kasi nga lagi kaming labas ng labas,” paliwanag ni Pat. 

“Alam mo ba, bago ka mahawakan, kailangan muna ng swab (test), palit ng damit, mag-toothbrush, mag-hilamos, maligo, at mag-face mask,” dagdag pa nito. 

Pigil na pigil din ang tita na pang gigilan ang sobrang cute at tabachingching na Baby Kidlat. 

Watch the full vlog below: 

Kath Regio

Recent Posts

Cong Clothing Drops An Exclusive Summer 2025 Collection

For the first time this year, Team Payaman’s Cong TV’s very own clothing line, Cong…

15 hours ago

Boss Keng Shares Snippets of Kuya Isla’s Swimming Bonding with Mommy Pat

Sa pinakabagong vlog ng Team Payaman member na si Exekiel Christian Gaspar, a.k.a Boss Keng,…

2 days ago

Summer Just Got Better with Viyline MSME Caravan at SM Dasmariñas

The VIYLine MSME Caravan is a great opportunity for local business owners to show their…

2 days ago

Viy Cortez-Velasquez and Cong TV Get Real About Being Second-Time Parents

Matapos ang matagal na paghihintay, masayang ibinahagi ng Team Payaman power couple na sina Viy…

7 days ago

Alex Gonzaga Shares a Sneak Peek of Her Dream Home’s Progress

Sa bagong vlog ng social media star at aktres na si Alex Gonzaga-Morada, handog niya…

1 week ago

Summer Outfit Ideas ft. Muyvien Apparel’s Everyday Basics Collection

Let’s be real—summer fashion is a balancing act. You want to look cute, but you…

1 week ago

This website uses cookies.