Himagsikan 2022: Makasaysayan at Pinakamalaking Dota 2 Tournament sa Bansa!

Dumating na ang araw ng Himagsikan! Isang makasaysayang Dota 2 tournament ang nasaksihan ng VIYLine Media Group sa SM City Rosario kamakailan lang. 

Dahil sa pagsasanib pwersa ng Go Philippines Esports at Flow Asia, naisagawa ang kauna-unahang at pinakamalaking onsite Dota 2 tournament matapos ang higit dalawang taon restriction dulot ng pandemya.

Kasabay ng selebrasyon ng Araw ng Kalayaan ay ang final match sa pagitan ng mga local Esports team na NerdRig mula Davao City at GrindSky Ph ng Marikina City.

Present sa makasaysayang okasyon ang mga beteranong online games caster na sina Lon Marcelo at Tryke Gutierrez. Ikinagalak ng dalawa ang pagbalik sa sinasabing grassroots Dota tournament at sinabing namiss talaga nila ang pagcacast sa mga online games. 

Napa-wow naman ang SM City Rosario sa show-stopping performance ng all-girl P-Pop group na KAIA.

 

Himagsikan Theme Song Music Video Lauch

On the same day, opisyal ding nilabas sa publiko ang official music video ng Himagsikan theme song na inawit nina Awi Columna, Yow Andrada, at CLR. 

Ayon kay Awi, tiyak na bago para sa music at Esports fans ang music video na ito dahil nag-focus aniya sila sa pagkakaroon ng mensahe ng pagiging makabayan. Bagamat bago naman ang rock genre para sa rapper na si CLR, bukas aniya ang kanyang pinto sa iba pang music collaborations in the future. 

Samantala, ikinatuwa naman ng fans ang paliwanag ni Team Payaman member Yow Andrada kung bakit tila laging namamatay ang kanyang character sa mga music videos. 

“Ang may kasalanan talaga kung bakit lagi akong patay sa mga music video is yung mga writer. Nakikita kasi nila na kapag pinatay nila ko, mas lalakas yung music video,” biro ni Yow. 

“Sa tagal ko sa industriya na apat na buwan,  nagawa ko na ang mga dapat gawin ng isang magaling na artista. Nasampal na nga ako ni Maricel Soriano, so yung mga ganitong bagay, wala nalang,” dagdag pa nito. 

Celebrity Showmatch

Inabangan naman ng lahat ang celebrity showmatch featuring Team Payaman boys, gaming content creators, at iba pang personalidad.

Nahati ang mga players sa dalawang grupo; ang Magdalo Team headed by P-pop artist Josh Cullen at Magdiwang Team na pinamunuan naman ni Junnie Boy. 

Sa pamamagitan ng classic “Bato-Bato Pick” namili ng kanilang kakampi ang dalawang team leaders. Pinili ni Junnie Boy ang kanyang Team Payaman brothers na sina Boss Keng, Burong at DaTwo, pati narin si Kang Dupet. 

Samantala, napunta naman sa team ni Josh Cullen sina rapper Flict-G, Biancake, TP boys Kevin Hermosada at Dudut Lang. 

Sa nasabing celebrity showmatch, lumabas ang natural chemistry sa laro ng Team Payaman boys. Hindi makakaila ang pinamalas na galing sa Dota nina Junnie Boy, Boss Keng, at DaTwo na syang nagpanalo sa Magdiwang Team. 

Biro ni Junnie Boy, nagsilbing “trojan horse” nila sa kabilang grupo sina Kevin at Dudut na tila tumulong sa kanilang tagumpay. 

Himagsikan 2022 Winners

Samantala, matapos ang ilang buwang pakikipagtagisan ng galing sa Dota 2 ay tinanghal bilang kampeon sa kauna-unahang Go Philippines Esports  Himagsikan 2022 ang Grindsky Ph. 

During the final match, nanaig ang pwersa ng Grindsky Ph mula Marikina at tinapos ang best of 5 match with a score of 3-0. 

Sa ekslusibong panayam ng VIYLine Media Group sa grupo, sinabi nilang ang disiplina sa paglalaro ang naging susi sa kanilang tagumpay. 

“Disiplina lang, habang nag-iistream kami nag-training (din). Kumbaga ito yung resulta ng naging training namin,” ani GrindSky pro-player na si Erice. 

“Sa mga aspiring players katulad namin dyan, pagbutihan nyo lang tsaka enjoyin nyo lang yung game, lagyan nyo lang ng sipag!” dagdag pa nito. 

Watchout for  VIYLine Media Group’s VIYhind the Scene kaganapan sa Himagsikan 2022 sa aming official YouTube channel!