WOW! Yiv Cortez, Nakatanggap ng PHP1M Debut Gift kay Viy Cortez?

Matapos ang 18th birthday celebration ni Team Payaman Next-Gen Sweetheart, Yiv Cortez, it is time for her to unbox ang mga natanggap na regalo during her debut party.  

Matatandaang naging top trending ang nasabing okasyon dahil talaga namang engrade ang KPop garden-themed party ng youngest sister ni Viy Cortez.

Sa isang vlog entry, ibinahagi ng ating debutante ang mga regalo mula sa Team Payaman, mga kaibigan at pamilya nito.

Ang tanong ng bayan, magkano nga ba ang laman ng sobreng inabot nina YouTube power couple Cong TV at Viy Cortez sa birthday celebrant?

Samahan ang VIYLine Media Group (VMG) at sabay-sabay nating alamin ang reaksyon ng dalaga sa kanyang natanggap na mga regalo.

Unboxing of Gifts

Sa nasabing vlog ni Yiv Cortez, excited niyang ibinahagi ang mga natanggap na regalo mula sa kanyang 18 Treasures.

Laking tuwa ng dalaga ng mabuksan ang regalo ng mag-asawang Junnie Boy at Vien Iligan-Velasquez. Ayon sa kanyang ate Viy, isa ito sa matagal ng hinihiling ni Yiv sa kanya. 

“Alam niyo ba guys ito ang kwento nyan! Tinanong ako ni Vien: ‘Sis, meron na bang Instax si Yiv kasi yun ang gusto kong iregalo kay Yiv.’” 

Hindi naman nagpahuli ang hands-on Wagyuniku CEO na si Pat Velasquez-Gaspar sa kanyang regalo bilang parte ng 18 Treasures.

“1…2…3…4…5… (thousand)” sabay na binilang ng magkapatid na Viy at Yiv sa cash gift ng misis ni Boss Keng. 

Nakatanggap rin ang dalaga ng kanyang mga dream KPop merch items, ready to wear clothes, at iba pang kikay items! 

“Wow!” “Thank you po!” Ito ay ilan lamang sa mga salitang nabanggit ni Yiv Cortez dahil sa tuwa sa kanyang mga natanggap na regalo. 

18 Blue Bills

Syempre, hindi makukumpleto ang isang 18th birthday debut party kung walang 18 Blue Bills. 

“Sabi ko kay Yiv mag-18 blue bills siya, para mabawi ko yung nagastos” pabirong sabi ng kanyang ate Viy, na  syang gumastos para sa dream debut ni Yiv. 

Bilang parte ng 18 Blue Bills, inaabangan ng lahat kung magkano nga ba ang ibinigay ng YouTube superstar na si Cong TV sa kanyang soon-to-be sister-in-law. 

Tumataginting na P20,000 in cash ang regalo ng long-time boyfriend ni Viy Cortez sa kapatid nitong si Yiv. 

“Thank you po kuya Cong kasi binigyan niyo po ako ng malaking malaking pera at binigyan niyo rin po ako ng napaka-poging pamangkin!” ani ni Yiv. 

At syempre, hindi rin nagpahuli ang ating VIYLine CEO sa kanyang bonggang regalo. Matatandaang ibinahagi ni Viy Cortez ang litrato ng kanyang munting regalo kay Yiv na nagnanais magtayo ng kanyang sariling business.

Ang tanong ng bayan, magkano nga ba ang halaga ng cheke?! 

Well, ito ay nagkakahalaga lamang ng tumataginting na P100,000! Ayon kay Viy, binigyan nya si Yiv ng ganito kalaking halaga upang matupad ang pangarap nito na makapagsimula ng sariling negosyo. 

Sumatotal ay nakatanggap si Yiv ng P155,000 na syang ikinatuwa ng dalaga. 

Watch Yiv Cortez’s full vlog below: