Masayang sinalubong ng Team Payaman ang Pasko sa pamamagitan ng isa na namang epic Christmas Party na puno ng regalo, palaro, at parangal.
Suot ang kanilang red at pink color motif para sa taong 2022, nagdaos ng Christmas Party ang buong pwersa ng Team Payaman sa pinakasikat na content house sa bansa, ang Payamansion.
Present ang buong trop maging ang mga Team Payaman kids na sina Mavi, Baby Kidlat, at Baby Viela.
Team Payaman Awards 2022
Bilang parte ng kanilang tradisyon, ang Christmas Party ng Team Payaman ay oras din ng pagpaparangal sa mga natatanging miyembro.
“Itong Team Payaman Awards ay binibigay sa mga best at mga worst na tao dito sa Team Payaman,” ani Tita Krissy Achino, a.k.a Chino Liu na siyang host sa nasabing party.
Kabilang sa mga pinarangalan ay ang mga sumusunod:
- Tambak Lababo Award – Aaron Macacua, a.k.a Burong
- Late Payment of Bills Award – Kuya Lim
- Subi Master of the Year – Michael Sabino
- Tamaditis 2022 – Carlos Magnata, a.k.a Bok
- Sleeper of the Year – Carding Magsino
- Fewest Ligo of the Year – Cong The Vlogger
- Marites of the Year – Vien Iligan-Velasquez
- Crispiest Mura of the Year – Yow Andrada
- Most Improved Vlogger 2022 – Boss Keng
- Most Loyal Dog – Butter
“Lahat ng magagandang awards tinanggihan ko, ito lang yung tinanggap ko!” biro ni Cong TV matapos tanggapin ang kanyang parangal.
Rated SPG Games
At syempre, hindi kumpleto ang Team Payaman Christmas Party kung wala ang mga kwelang palaro.
Sa pangunguna ni TP Game Master Boss Keng, mas naging masaya ang Christmas Party dahil sa mga palaro gaya ng “Supsupin mo ang Ice Cream, Beybe!” at “Lick My Peanut, Beybe!”
Samantala, nagbahagi rin ng kani-kanilang wish sa Pasko ang ilang Team Payaman members gaya nina Kevin Hufana, Tin Piamonte, Kha Villes, at iba pa.
Watch the full vlog below:
