Nagpasabog ng kagandahan at trendy fashion si Viy Cortez na pagbubukas ng pop-up showroom ng kilalang online clothing store na Shein Philippines.
Game na game na dumalo ang vlogger/entrepreneur sa kauna-unahang physical store ng Shein sa Ayala Malls Manila Bay na binuksan sa publiko mula Oct. 21-23, 2022.
Hatid ng VIYLine Media Group (VMG) ang exclusive behind-the-scenes mula sa nagdaang #SHEINTakesPH.
Hi mga Viviys!
Dinagsa ng mga taga-suporta ang 26-anyos na vlogger sa kanyang pagdalo sa Shein Philippines pop-up store nitong Oct. 21 sa Ayala Malls Manila Bay.
Matapos ang higit na dalawang taong sa pandemya, muling bumawi ang si Viy Cortez sa kanyang mga taga suporta o mas kilala sa tawag na mga Viviys.
Game na game na nakipag-chikahan ang first-time mom sa kanyang mga taga-suporta na ikinatuwa naman ng mga nakasalamuha nito.
Bukod sa kanyang mga minamahal na mga fans, present din sa nasabing event ang ilan sa mga kilalang TikTok Influencers gaya nina Dani Barretto, Nicole Caluag, Lynel Lopez, Claudette Ferrer, Katrina Ermino, at marami pang iba.
Abangan sa official TikTok account ni Viviys ang ilan pang mga kaganapan sa nasabing event.
Viy’s new style
Matapos ipanganak ang cute na panganay nila ni Cong TV na si Zeus Emmanuel Cortez Velasquez, a.k.a Baby Kidlat, fashionista momma na ulit ang peg ni Mommy Viy.
Sa nasabing event, nabanggit ni Viviys na muli siyang nag-eksperimento sa kanyang fashion style, dahilan upang umani ng kaliwa’t-kanang papuri ang mga OOTD (outfit of the day) posts nito sa kanyang social media accounts.
Dazzling in pink checkered coordinates ang longtime girlfriend ni Cong TV . Ayon kay Viviys, “school girl” ang kanyang peg sa nasabing event.
Dagdag pa nito, tila “life of the party” ang kanyang bagong style dahil bukod sa makulay na kasuotan, ay swak dito ang kanyang masayahing personalidad na patuloy na minamahal ng kanyang manonood.
