Matapos ilabas ang kanilang single na “WASAK” noong February 2026, muling nagbabalik ang Filipino rap-rock band na COLN ngayong buwan upang ipasilip sa kanilang mga tagahanga na may bago silang kantang inihahanda.
Pinangungunahan ni Lincoln Velasquez, a.k.a. Cong TV, ang COLN kasama sina Yow Andrada, Awi Columna, Gio Herrera, at Nins Denso. Kilala ang grupo sa kanilang rap-rock sound at sa kanilang energetic na approach sa paggawa ng musika.
What’s Next for COLN
Sa kanilang latest upload, makikita ang buong banda na abala sa paghahanda para sa kanilang panibagong release.
Sa kabila ng maulang panahon, tila hindi ito naging hadlang sa kanilang gig session habang patuloy silang nagtutulungan para mabuo ang kanilang bagong materyal.
Bagama’t wala pang ibinabahaging detalye ang banda tungkol sa pamagat o eksaktong release date ng kanilang susunod na kanta, sapat na ang maikling pasilip upang muling makuha ang atensyon ng kanilang listeners.
Matapos ang “WASAK,” natural lang na abangan ng kanilang fans kung anong bagong awitin at kwento ang ihahatid ng COLN sa kanilang susunod na release.
Netizens’ Comments
Mrlon Ncp: “Kelan regional tour niyo? Hahaha! Gusto ko kayo mapanood live. Kabisado ko na mga lyrics ng kanta niyo. Habang nagmomotor ako, yan ang soundtrip ko sa speaker ko. ’Di bale nang marinig ako. Kasi wala akong pakeeee!”
Vnsn Mngbs: “Gig naman, mga bossing!”
Johnmel Tanay: “Babangis niyo, mga lods!!”
Wilson Hernande: “May exhibition ba ulit? Hahaha!”
