Matapos hindi makasama sa nakaraang biyahe ng Team Payaman sa Hong Kong, nakabawi si Burong sa kanyang bagong vlog nang makasama na rin siya sa biyahe ng grupo sa Vietnam.
Sa naturang vlog, makikita ang kanilang pamamasyal sa Ho Chi Minh City, kabilang ang mga personal na sandali ng grupo at ang ilang hindi inaasahang pangyayaring naganap sa kanilang biyahe.
‘NAKASAMA!’
Kamakailan, ibinahagi ng Team Payaman member na si Aaron Macacua, a.k.a. Burong, ang kanyang kasiyahan nang makasama na sa international trip ng grupo.
“Hindi na tayo naiwan this time, ha. Kasama na tayo sa ibang bansa,” ani Burong.
Kasama ang kaibigang si Dudut, ipinakita ni Burong ang ilan sa kanilang mga naging karanasan pagdating sa Ho Chi Minh City, kabilang ang paghahanap sa kanilang mga kasama at pag-check in sa kanilang Airbnb.
Nagbigay rin siya ng sulyap sa kanilang matutuluyan at sa tanawin mula rito. Ayon kay Burong, malapit lamang ang kanilang unit sa kinaroroonan ng iba pang miyembro ng Team Payaman, kabilang sina Cong TV at Viy Cortez-Velasquez.
Kasunod nito, nagkita-kita ang grupo para sa isang gabi ng kainan at paglilibot sa lungsod. Isa sa kanilang pinuntahan ang Bui Vien Street sa District 1, isang lugar na kilala sa masiglang nightlife, mga street performance, at malaking bilang ng mga lokal at turista.
Gayunpaman, aminado si Burong na hindi niya gaanong kinaya ang matinding ingay at dami ng tao sa lugar. Sa ilang pagkakataon, pabiro niyang ikinuwento na nakaramdam siya ng pagod at overstimulation sa naging karanasan.
Matapos ang kanilang night out, nagkaroon din ng personal na sandali sa vlog nang ibigay ni Burong ang isang relo sa kanyang partner na si Aki. Bagama’t siya ang nagdiriwang ng kanyang kaarawan, pinili niyang sorpresahin si Aki ng regalo para sa kanilang anibersaryo.
Samantala, isa namang hindi inaasahang aberya ang nangyari bago ang kanilang pag-uwi sa Pilipinas nang mapansin ni Burong na naiwan niya ang kanyang bag sa isang convenience store. Agad niya itong binalikan gamit ang motorsiklo at nakahinga nang maluwag nang matagpuan pa niya ito sa parehong lugar.
Netizens’ Comments
Umani naman ng papuri mula sa mga manonood ang humor ni Burong, habang hiniling naman ng ilan na pahabain pa ang kanyang mga vlog.
@kcmtv4445: “Kapag sa pinas ‘yun, Boss Burs, baka wala pang 3 minutes, wala na. Ingat ka palagi, Boss Idol!”
@trishandcf: “Havey si Burs sa akin kasi para siyang si Bayani. Basta ‘yung humor.”
@kentinsuson3756: “Sold! Next vlog 30 minutes duration naman. Hahahaha!”
Watch the full vlog below:
