Nagpakitang gilas ang panganay na anak ni Mommy Pat Velasquez-Gaspar at Boss Keng matapos ang kanilang ‘small talks.’
Kilalanin pa si Kuya Isla at tunghayan ang heartwarming conversation nila ng inang si Mommy Pat.
Isla’s Favorites
Umani ng papuri ang panganay nina Mommy Pat Velasquez-Gaspar at Daddy Exekiel Christian Gaspar, a.k.a Boss Keng, nang matunghayan ang priceless dining moment ni Kuya Isla.
Excited na kumain ng kanyang ‘fish and squash’ meal si Isla kasama ang kanyang Mommy Pat. Nang makakuha ng pagkakataon, kinilala pa ni Mommy Pat ang anak sa pamamagitan ng kanyang mga tanong.
Nang tanungin kung nagdasal ba ito bago matulog, taas noong sinagot ni Isla na bago rin kumain ay hindi niya nakalimutang mag-dasal.
“Anong pinag-pray mo?” tanong ni Mommy Pat.
“Food,” sagot naman ni Isla.
Tinanong din ni Mommy Pat ang ilan sa mga paborito ng kanyang panganay mula sa kanyang paboritong laruan hanggang sa mga paboritong Tito at Tita.
Para kay Isla, si Tita Venice ang kanyang paboritong Tita habang si Tito Adam naman ang kanyang paboritong tito.
Naantig si Mommy Pat sa naging sagot ni Isla nang tanungin niya kung sa kanila ni Boss Keng ang kanyang paborito.
“Mommy and Daddy,” ani Isla.
Sagot naman ni Mommy Pat, “Very good!”
Inisa-isa rin ni Isla ang pangalan ng kanyang Lolo Val, Lola Jo, at mga pinsan na sina Kuya Mavi, Kuya Kidlat, at Ate Viela, maging ang kanyang kapatid na si Ulap.
A Round of Applause
Matapos mapanood ang nasabing video, marami sa mga manonood ang natuwa sa usapan nina Mommy Pat at Kuya Isla.
@username19942901: “More moments like this, nakakarelax lang!”
@yeng: “Laging favorite si Tita Venice!”
@n: “Great mom ka po talaga [Mommy Pat].”
@mochii.em: “Ang cutie ni Isla boy sumagot!”
