Muling nakasama ng resident cook ng Team Payaman na si Dudut Lang ang mga kaibigan na sina Vien Iligan-Velasquez at Junnie Boy para sa isang masayang cooking session.
Tunghayan ang mga tagpo sa kanilang cooking bonding at kung ano-anong mga putahe ang kanilang ibinahagi.
Dudut’s Kitchen with JunnieVien
Sa kanyang bagong vlog, inimbitahan ni Jaime Marino de Guzman, a.k.a Dudut Lang, ang kapwa TP members na sina Marlon Velasquez Jr., a.k.a Junnie Boy, at misis niyang si Vien Iligan-Velasquez.
Kwento ni Dudut, una na niyang nakasama sina Junnie at Vien sa kusina noong sila’y sumabak sa culinary classes ilang taon na ang nakakalipas.
“Culinary drop outs [kami]. Isang taon lang kami [nag-aral],” biro ni Junnie.
Dagdag pa sa konsepto ng vlog ay ang kanilang ihahandang pagkain ay kanilang iaabot sa mga tsuper o jeepney driver na labis na naapektuhan ng pagtaas ng mga bilihin.
“Kaya ngayon naisip ko, sa tulong ninyo, ‘yung mga naapektuhan ng krisis ng gasolina, aabutan natin ng pagkain,” paanyaya ni Dudut sa mga kaibigan.
Ilan sa mga putaheng kanilang niluto nang magkakasama ay ang Tuna Steak, Lechon Paksiw, at Tortang Alamang.
Hands-on din si Dudut sa pag-alalay sa mga kaibigan sa paghahanda ng kanilang mga kakainin.
Matapos maluto, isa-isa nila itong isinilid sa isang container upang maipabahagi sa mga tsuper na kanilang makakasalamuha.
Netizens’ Reactions
Samantala, marami ang natuwa sa intensyon nina Junnie, Vien, at Dudut na magpaabot ng tulong sa mga jeepney drivers.
@LizabethDelMundo: “Food is a symbolic of love when words are inadequate. Napaka simpleng gesture lang ng ginawa ni Dudut pero yung pakiramdam ng mga nakakain after work nila lalo na mga rider and jeepney driver natin e napakalaking bagay na. Salute Chef Duts, much love!”
@carlosotelo60: “Lowkey helping din tong team payaman eh sino kaya next?”
@carizzamaepol6829: “Proud sa inyong lahat! Godbless you more sa inyo!”
Watch the full vlog below:
