Mula sa pagiging organizer slash manager, naging manlalaro naman si Boss Keng sa ikalawang araw ng pickleball tournament na tampok sa kanyang vlog.
Organizer to Player
Sa simula ng vlog, makikita ang grupo na naghahanda para sa kanilang mga laban. Kung noong unang araw ay sila ang abala sa pag-oorganisa ng tournament, ngayon naman ay sila na mismo ang nasa loob ng court at kailangang harapin ang kanilang mga makakalaban.
Hindi rin nawala ang kulitan ng grupo bago magsimula ang kanilang mga laro. Tampok ang biruan tungkol sa pagiging competitive at “toxic” kapag seryoso na sa laban. Sa kabila nito, kapansin-pansin ang kanilang excitement at determinasyong maibigay ang kanilang best sa bawat match.
Mas naging exciting ang tournament nang magkaroon ng challenge kay Boss Keng ang Pickle Poppers PH, kung saan inalok siya ng pagkakataong makakuha ng libreng paddle kapag nanalo sa kanilang susunod na game. Dahil dito, mas naging determinado siya na makuha ang medalya.
Winning Moment
Habang nagpapatuloy ang kanilang mga laban, maririnig ang sunod-sunod na sigawan mula sa kanilang teammates kasama na rin ang kanyang asawa na si Pat Velasquez-Gaspar na full-support sa kaniya.
Makikita rin ang ilang intense rallies at crucial points na lalong nagpaangat sa competitive atmosphere sa court.
Sa huli, hindi lamang puro kompetisyon ang naging highlight ng araw. Nabigyan din si Pat bukod kay Boss Keng ng paddle dahil sila ay nanalo sa laro.
Naging bonding moment din ito para sa kanila at kaniyang mga kasama, na puno ng tawanan, asaran, teamwork at sportsmanship mula simula hanggang matapos ang kanilang pickleball tournament experience.
Watch the full vlog below:
