Isang cute farm adventure ang ibinahagi ni Vien Iligan-Velasquez sa kanyang bagong vlog, tampok ang bonding ng Team Payaman Kids kasama ang buong Velasquez family sa kanilang farmhouse sa Silang, Cavite.
Sa naturang vlog, makikita ang paghahanda at aktwal na pagsasagawa ng Easter egg hunt na masayang nilahukan ng mga bata kasama ang kanilang mga magulang.
Bago pa man ang mismong Easter egg hunt, ibinahagi ni Vien Iligan-Velasquez ang kanilang paghahanda para sa overnight stay sa farmhouse ng pamilyang Velasquez, kabilang ang pagse-set up ng tent sa tulong ng ilan sa kanilang mga kasama.
Kinabukasan, naging abala si Vien at ang kanyang mga kasama sa pagbalot ng mga premyo at paghahanda ng mga itlog na itatago sa paligid ng farm. Ayon kay Vien, bagama’t may isang espesyal na gantimpala, tiniyak nilang lahat ng batang kalahok ay may matatanggap.
“So ngayon, magbabalot na kami ni Madam [Eve] ng aming mga pa-premyo mamaya. Lahat naman sila makaka-receive, pero mayroon lang isang special prize,” ani Vien.
Pagsapit ng hapon, sinimulan nina Vien at Kuya Terio ang pagtatago ng mga itlog sa iba’t ibang bahagi ng farm. Masusing itinago ang mga ito sa mga puno, damuhan, at maging sa mga lugar na hindi inaasahan, tulad ng kulungan ng manok, upang gawing mas kapanapanabik ang laro.
Nang magsimula na ang Easter egg hunt, aktibong nakilahok sa paghahanap ang TP Kids na sina Kuya Jared, Kuya Mavi, Kuya Kidlat, Viela, Kuya Isla, Ulap, at Baby Tokyo, na sinamahan ng kani-kanilang mga magulang.
Matapos ang aktibidad, isinagawa ang pagbibilang ng mga nakuhang itlog upang matukoy kung sino ang may pinakamarami. Bukod sa mga regular na itlog, nagkaroon din ng espesyal na hamon sa paghahanap ng isang ‘giant egg’ na may nakalaang espesyal na premyo.
Sa huling bahagi ng vlog, nabigyan ng kani-kanilang premyo ang mga bata, kabilang ang gift certificate at consolation gifts. Ipinakita rin ang presensya ng iba’t ibang henerasyon ng pamilya, na nagsilbing kabuuan ng kanilang simple ngunit masaya na pagdiriwang ng Easter Sunday.
Samantala, maraming manonood ang nagpahayag ng paghanga sa simpleng pagdiriwang ng Semana Santa ng pamilya at sa kabuuang family experience na ibinahagi sa vlog.
@stephiemm25: “Ahhh made my night! Ang cute ng mga mag pinsan. Bff talaga sila Kidlat at Vielaboo!”
@LianeCarba: “I love how they spend their Holy Week in their province. They really value the true essence of Holy Week. Sobrang simple pero alam mong memorable—not only for the kids but for the whole family.”
@PawPrintPH: “Grabe ‘yung last part! Mapapangiti ka na lang din talaga sa lahat ng napagdaanan nila. Congrats, Velasquez Fam. Ang layo na.”
Watch the full vlog below:
Game na game na ipinakilala ni Chino Liu ang sarili pati na rin ang iba’t…
Isang mabilis na balik-Hong Kong trip ang naging laman ng kauna-unahang vlog ni Genggeng sa…
Mula sa paghahanap ng trabaho hanggang sa pagbebenta ng mga personal na gamit, sinubukan nina…
First-time attendees are in for an exciting surprise as Viyline Group of Companies gears up…
Muling nagbabalik si Viviys sa kanyang old vlogging style kung saan mas personal ang mga…
Matapos ang walang tigil na paghiling sa kanilang mga magulang, tinupad na nina Daddy Keng…
This website uses cookies.