Viy Cortez-Velasquez Levels Up No-Bake Macaroni and Maja Blanca with Mommy Connh, a.k.a Modern Nanay

Isang nakakatakam na mini food vlog content ang hatid ni Viy Cortez-Velasquez kasama ang mom content creator na si Connh Cruz, a.k.a Modern Nanay.

Tunghayan ang nakakatuwa at nakakagutom nilang cooking session, at kung ano ang hatol ng Team Payaman sa kanilang inihandang putahe.

Luto Mo, Benta Ko

Sa kanyang latest reel upload, inanyayahan ni Viy Cortez-Velasquez ang mom-influencer na si Connh Cruz, a.k.a Modern Nanay, para sa isang masayang cooking session.

Kilala si Modern Nanay sa kanyang relatable motherhood contents kung saan nagbabahagi siya ng mga recipes at ilang payo para sa mga nanay na sumusubaybay sa kanyang social media accounts.

Sa nasabing collaboration nila ni Viviys, game na game silang gumawa ng no-bake macaroni at maja blanca na kanyang napanood sa mga mini vlogs ni Mommy Connh.

“Si Mommy Connh yung inspirasyon ko kung bakit ako nagkaroon ng Luto Mo, Benta Mo [series],” pagbabahagi ni Viy.

Hands-on sa pagtuturo si Mommy Connh ng pagkasunod-sunod ng mga kailangang gawin para sa kanilang recipe.

Hindi rin pinalampas ni Viviys na masubukang gamitin ang pagkalaki-laking shaker na nakilala dahil kay Mommy Connh.

The Verdict

Matapos ang kanilang kwelang cooking session, oras na para ibenta ang kanilang mga niluto at alamin ang hatol nina Cong TV at Burong.

Sa kauna-unahang pagkakataon, prinesyuhan ni Viviys ang kanyang Maja Blanca at No-Bake Macaroni bundle sa halagang P5,500.00.

“Ay hindi ‘yung bundle, budol ‘yun!” biro ni Cong TV.

“Ang sarap parehas!” dagdag na komento ni Cong TV.