Team Boss Madam Breaks Down in Tears During Camping Simulation

Dahil sa hilig ng Team Boss Madam sa pangmalakasang adventure, kakaibang aktibidad naman ngayon ang kanilang sinubukan.

Silipin ang mga tagpo sa madamdaming in-house camping simulation na inihanda ni Boss Keng para sa kanyang mga kasama sa loob ng kanilang bahay.

Camping Simulation

Sa kanyang bagong vlog, isang in-house adventure ang hatid ng Team Payaman vlogger na si Exekiel Christian Gaspar, a.k.a Boss Keng, para kina Nelson Mendoza, a.k.a Sonny J, Michael Magnata, a.k.a Mentos, at Nigel Tagle.

Ani Boss Keng, marami siyang napamiling camping equipments online. Upang masiguro ang kalidad nito pagdating sa kanilang mga darating na adventures, minabuti niyang subukan muna ito sa loob ng kanilang bahay.

Matapos ang kanilang paghahanda, isang masayang kwentuhan at kainan ang sumalubong sa Team Boss Madam.

Isa sa mga naging rason ng pagiging emosyonal ng mga kasama ni Boss Keng ay ang kanilang heartfelt conversation.

Isa-isang ibinahagi nina Boss Keng, Nelson, Mentos, at Nigel ang mga nagpapasaya sa kanila sa ngayon at ilan sa tunay na kwento ng kanilang buhay sa likod ng camera.

“Sobrang saya ko kapag hinahatid ko si Isla sa school. Si Ulap, parehas sila, nakikita ko ‘yung development. Sila ang joy ko ngayon,” pagbabahagi ni Boss Keng.

Naging dahilan ang kanilang kwentuhan upang maipahatid ng Team Boss Madam ang kanilang pasasalamat kay Boss Keng sa tulong at suportang natanggap.

“Iba ‘yung trip ni Boss Keng, kumbaga ‘yung mga simpleng bagay ang saya agad pag magkakasama tayo,” ani Nelson.

Netizens’ Comments

Samantala, marami ang naantig sa kwentong hatid ng Team Boss Madam sa latest vlog ni Boss Keng.

@donnieroseramirez3071: “Ang ganda nito. Home camping tapos deep talks!”

@EviePallera: “Ito ang pinaka magandang vlog na napanood ko so far. Thanks! Sarap, napaiyak din ako.”

@Xiao.minaaaaa: “Iba talaga kapag nahanap mo yung circle of friends mo.”

Watch the full vlog below: