Netizens Applaud Isla Patriel Gaspar’s Early Household Skills

Cuteness overload ang hatid ng anak nina Pat Velasquez-Gaspar at Boss Keng na si Isla Patriel, habang ipinapakita niya ang kanyang galing sa iba’t ibang gawain sa loob ng bahay.

Mula sa paghahanda ng pagkain sa kusina hanggang sa mga simpleng gawaing bahay, abala si Isla sa pagtulong at sa pagdiskubre ng kanyang kakayahan.

‘Chef Isla’

Kamakailan, ibinahagi ng isa sa mga tagapag-alaga ni Isla ang kanyang mga bagong natutunan sa loob ng bahay. 

Sa bawat video, makikita kung paano unti-unting nahuhubog ang kanyang kakayahan sa pagtulong sa kusina at sa iba pang gawaing bahay sa ilalim ng gabay ni Nanay Virginia.

Sa isang Instagram post, makikita si Isla na maingat na tumutulong sa kusina sa paghahanda ng pagkain gamit ang child-friendly kitchen knife sa paghihiwa ng gulay.

Kasunod nito, sinubukan ni Isla gumawa ng puto cheese, kung saan siya ang naghalo ng itlog at tubig kasama ang harina, suot ang apron na tila bahagi na ng kanyang culinary routine.

‘The Singing Dishwasher’

Bukod sa pagtulong sa paghahanda ng pagkain, ipinakita ni Isla ang kanyang husay sa bahay sa pamamagitan ng paghuhugas ng sariling pinagkainan habang kumakanta ng ‘Bahay Kubo; at alphabet song.

Sa mga huling videos, naipapakita rin ang kanyang kakayahan sa paglilinis gamit ang vacuum para sa sahig at isa pang vacuum para sa kama, patunay ng kanyang patuloy na pagtuklas at pag-eensayo sa iba’t ibang gawain sa bahay.