Laughtrip na naman ang hatid sa netizens ng pinakabagong YouTube upload ni Cong TV kung saan ginawa niyang misyon ang pagkakaroon ng multiple-entry visa sa Japan ng ilang Team Payaman Wild Dogs.
Nag-umpisa ang “MULTIPOL” vlog nang halungkatin nina Jaime Marino de Guzman, a.k.a Dudut Lang, at Aaron Macacua, a.k.a Burong Rattan, ang mga vlogging equipments ni Cong TV na nakatambak lang sa bahay.
“Lahat ng gamit at kayamanan nandito, galing ho ‘yan sa ambagan ng mga joke namin. Hindi ka na naman nagvo-vlog,” biro ni Dudut kay Cong.
Banat naman ni Cong ay huwag siya tirahin, imbes ay asikasuhin na ang kanilang multiple-entry visa papuntang Japan upang makabuo na sila muli ng mga pangmalakasang vlogs.
Hindi mawari ng TP Wild Dogs kung bakit nga ba laging denied ang kanilang visa application, kaya naman minabuti ni Cong na mag-isip ng mga solusyon upang makatulong mapadali ang proseso.
Ibinida ni Steve Wijayawickrama ang kaibigang 100% Japanese ngunit marunong mag salita ng wikang Filipino na si Iwaki “Iwa” Maegawa, isa sa mga miyembro ng Japanese boy band na ‘Skygarden’.
Dito na nila naisipan humingi ng tulong kay Iwa gamit ang “Modus Operandi” na bawal late, bawal bastos, at basta lowkey lang upang hindi mahalata ang kanilang binabalak.
“Bonding-in natin nang maigi,” ani ni Cong.
Tinagpo ng buong grupo si Iwa sa isang mall kung saan nilibre nila ito sa kainan, binili ng mga bagong mga sapatos at damit galing sa Peak Sports PH, at hinunta ng maigi.
Napag-alaman nila na mahilig din si Iwa sa motor at mayroon siyang International Driving Permit kung kaya naman niyaya rin nila ito sa isang quick motor ride papuntang Tagaytay kung saan sila kumain ng samu’t saring Filipino food.
Laking tuwa ni Iwa sa buong karanasan kasama ang TP Wild Dogs kaya naman noong nagtaka na si Iwa kung bakit nga ba ang bait nila sa kanya, agad itong sinagot nina Cong.
“Tuwing pumupunta kami ng Japan, laging ang babait sa amin ng mga Hapon. So, gusto namin ibalik sa pamamagitan mo lahat ng kabaitan samin,” ani Cong kay Iwa.
“We are like this to everyone,” dagdag pa ni Dudut.
Subalit, noong ibinahagi na ni Cong ang totoong problemang kanilang kinakaharap, tinanong ng grupo kung may kamag-anak o kaibigan ba si Iwa na Hapon na maaaring makatulong.
Ang sagot lang ni Iwa ay kaibigan niya ang Prime Minister ng Japan from 2011 to 2012 na si Yoshihiko Noda.
Noong napag-alaman ng grupo na wala rin silang mapapala mula rito, niyaya na lang nila si Iwa sa sunod na pagbisita sa Japan.
“Hindi, ito na lang, pupunta kami doon, aasikasuhin namin, kahit single entry lang muna, makakasama ka ba?,” tanong ni Cong kay Iwa.
“Kasama na ako!” buong galak na sambit ni Iwa.
“Team Payaman United Nations,” biro pa ni Steve.
Watch the full vlog here:
Muling kinaaliwan ang father-and-son duo na sina Cong TV at Kidlat matapos nilang ibahagi ang…
Tuloy-tuloy ang pagpapakitang-gilas ng resident chef ng Team Payaman na si Jaime Marino De Guzman,…
Matapos ang pasko, bagong taon naman ang sunod na ipinagdiwang ng pamilya Iligan-Velasquez sa loob…
Sa paglipat ng pamilya Iligan-Velasquez sa kanilang bagong tahanan, ibinahagi ng Team Payaman vlogger na…
Isang pasabog ang dala ni Zeinab Harake-Parks sa kaniyang recent YouTube vlog kung saan hinamon…
Mas dumoble ang saya at kakulitan sa ninth month milestone photoshoot ng magkapatid na Tokyo…
This website uses cookies.