Black-Colored Food Recipes You Can Cook at Home from Dudut Lang

Isa na namang masayang cooking serye ang hatid ng Team Payaman cook na si Jaime Marino de Guzman, a.k.a Dudut Lang.

Kung ang hanap mo’y black-colored food recipes na pasok sa inyong mga panlasa, hatid na ‘yan ni Dudut sa kanyang recently-uploaded YouTube vlog.

Paella Negra

Una na sa kanyang mga naging rekomendasyon ay ang kilalang Spanish delicacy na Paella Negra. 

Kumpara sa regular na Paella, ang pagkaing ito ay hinaluan ng squid ink upang makamit ang kulay itim nitong kulay.

Isa sa mga nagpasarap sa Paella Negra ni Dudut ay ang sliced seafood at chorizo bilbao, na ayon sa kanya ay hindi dapat nawawala sa kahit anumang Spanish food recipe.

Black Sesame Crusted Tuna

Sunod naman sa listahan ni Dudut ay ang Black Sesame Crusted Tuna, na kanyang ibinabad sa toyo para sa mas malinamnam na lasa.

Ilan sa mga pangunahing sangkap ng nasabing recipe ay black sesame seeds, tuna, at pipino para sa side dish nitong Asian cucumber salad.

Tiyula Itum

Isa namang Filipino dish ang proud na niluto ni Dudut para sa kanyang pangatlong recipe —ang Tiyula Itum.

Ayon kay Dudut, ang pagkaing ito ay nagmula pa sa kultura ng mga taga-Mindanao.

“‘Yung influence nila, bukod sa Filipino cuisine is, mayroon silang influence ng mga Malay (Malaysia), at Indonesian kasi malapit na sila doon!” ani Dudut.

Isa sa mga pangunahing sangkap ng nasabing recipe ay ang tanglad, at  inihaw na balat ng niyog o burnt coconut na kanyang inihalo sa karne upang mas maging malasa ito.

What’s Your Pick?

Samantala, marami sa mga manonood ang natuwa sa kakaibang content na hatid ni Dudut sa kanyang bagong vlog.

@rhenrsm.26: “Kuya Dudut, soup recipe naman po next kase uso sakit. Basta sabaw HAHAHA!”

@francheskamanguerra7691: “More cooking vlogs!”

@marcelobelonio939: “Bukod kay Ninong Ry, boss Dudut’s kitchen sunod!!!! The best mga luto niyo nakaka inspired sa mga katulad kong mahilig mag-luto!”

Kayo mga kapitbahay, alin sa mga niluto ni Dudut ang gusto n’yong subukan? I-comment na ‘yan!

Watch the full vlog below: