Isa ka ba sa mga mahilig sa oatmeal, yogurt, granola bars, at ilan pang masustansyang pagkain?
Kung oo ang iyong sagot, hatid ngayon ng resident Team Payaman medical professional na si Doc Alvin Francisco ang ilang katotohanan sa likod ng inyong mga paboritong ‘healthy’ foods.
The Real Deal
Sa pinakabagong vlog upload ng resident doctor ng Team Payaman na si Doc Alvin Francisco, kanyang binigyang linaw ang tunay na sustansyang hatid ng mga ‘healthy’ foods na ngayo’y kinagigiliwan ng mga Pinoy.
“Alam n’yo po ba na ‘yung oatmeal, hindi talaga ‘yan healthy?” panimula ni Doc Alvin.
Una nang isiniwalat ni Doc Alvin na bagamat nakasanayan na ng mga Pilipino na maganda sa puso ang oat, may hatid pa rin itong panganib sa kalusugan.
Bukod dito, ipinaliwanag din ni Doc Alvin na maging ang granola bars, ay naglalaman ng mataas na asukal at mga kemikal na s’yang maaaring maging sanhi ng malubhang karamdaman.
Ang iba pang mga ‘healthy’ food options gaya ng yogurt, salad, vegetable chips, fruit juices, at low fat milk ay nakakasama rin kung ito ay kakainin ng sobra sa nakatakdang halaga kada araw.
Payo ni Doc Alvin, ugaliing bawasan ang dami ng asukal o hindi kaya’y bawasan ang dami ng dressings ng inyong mga salad upang mapanatili ang sustansya nito.
Eat with Moderation
Nilinaw naman ni Doc Alvin na hindi kailanman ipinagbabawal ang pagkain ng kanyang mga nabanggit.
“Ang mga pagkain na ito ay hindi po masama. Hindi po s’ya dapat tanggalin sa ating diet. Pwede pa rin po ‘yang kainin basta balanse,” payo n’ya.
Aniya, pwedeng pwede pa rin mag-enjoy at i-satisfy ang inyong cravings ngunit kinakailangan na maging maingat sa dami at uri ng pagkaing kakainin.
Watch the full vlog below:
