Muling kinagiliwan ng netizens ang Team Payaman siblings na sina Baby Ulap at Kuya Isla matapos ibahagi ni Pat Velasquez-Gaspar ang ika-anim na buwang milestone ng kanyang bunsong anak.
Sa espesyal na selebrasyon, tampok ang makulay na photoshoot na hango sa Disney film na ‘Moana’, na nagpapakita ng adorable bonding ng magkapatid sa kanilang creative costumes.
Bilang pagdiriwang ng ika-anim na buwan ng bunsong anak nina Exekiel Christian Gaspar, a.k.a. Boss Keng at Pat Velasquez-Gaspar na si Baby Ulap Patriel, isang espesyal na Disney-themed photoshoot ang inihanda ng mag-asawa para sa kanilang anak.
Sa isang Facebook post, ibinida ni Mommy Pat ang mga larawan mula sa The Baby Village Studio na may temang hango sa karakter ni ‘Maui’ mula sa pelikulang ‘Moana’, kung saan makikita si Baby Ulap na suot ang costume ng naturang demigod habang nakaupo sa harap ng island backdrop.
“Our little voyager is 6 months old! Sailing through milestones just like Maui from Moana—strong, brave, and oh-so-cute!” ani Mommy Pat sa kanyang post.
Hindi rin nagpahuli si Kuya Isla Patriel na nakabihis bilang Tamatoa, ang giant crab sa nasabing pelikula na kilala sa kanyang pagkahilig sa makinang na bagay.
Sa mga larawan, makikita ang pagiging kuya ni Isla habang nakikibahagi sa espesyal na milestone ng kanyang nakababatang kapatid.
Sa kabila ng kanilang ginampanang magkaibang karakter, parehong naghatid ng saya at kilig sina Baby Ulap at Kuya Isla hindi lamang sa kanilang proud parents, kung hindi sa madla.
Samantala, bumuhos din ang mga papuri at pagbati mula sa mga netizens na nagpahayag ng kanilang paghanga sa milestone ni Baby Ulap.
Van Nunag-Canlas: “Sooooo pogi naman!”
JulieAnn Aquino Delos Reyes: “Ang pogi pogi ng anak mo, Pat. Ganun din si Isla.”
Rosalie Legada Frias: “Ang cute talaga ng baby boy na ‘yan!”
Nicole Pulos: “Happy 6th month, baby boy!”
Jessica Dela Cruz Delapena: “[Ang] bilis, 6 month na ang Ulap. Napaka cute n’yong mag Kuya.”
Team Payaman Fans, get ready for another exciting streetwear drop! Cong TV’s apparel brand, Team…
Isang nakakakilig na episode ang hatid ni Viy Cortez-Velasquez sa kanyang “Kusina Wars” vlog matapos…
Isang masayang food adventure ang hatid ni Mommy Viy Cortez-Velasquez kasama ang mga house angels…
Isang Cebu adVIENture ang hatid ni Vien Iligan-Velasquez matapos nilang dumayo sa nasabing probinsya upang…
For fans who have spent years watching their favorite Filipino content creators through vlogs, livestreams,…
Panibagong endorsement ang hatid ng Team Payaman PAAWER Couple na sina Cong TV at Viy…
This website uses cookies.