Ang paglalaro ng Pickleball ang isa sa mga kinahihiligan ng Team Payaman members na sina Pat Velasquez-Gaspar, Clouie Dims, at ilan pa sa kanilang mga kasamahan sa loob ng Congpound.
Sa kauna-unahang pagkakataon, buong tapang na pinangunahan ng dalawa ang Sunset Paddle Club Pickleball Tournament na ginanap noong August 16 sa SM Bicutan.
Sa kanyang bagong vlog, ibinahagi ng Team Payaman vlogger na si Pat Velasquez-Gaspar ang mga pasilip sa nagdaang pickleball tournament na kanilang sinalihan.
Bago pa man ang laro, ipinakita ni Mommy Pat ang kaniyang pagiging kalmado sa kabila ng tensiyon at kaba.
“Kinakabahan ako… pero enjoy lang. Iisipin lang namin ni Clouie na parang ano ‘to… open play,” aniya.
Tagumpay ang kanilang diskarte dahil talaga namang nagpakitang-gilas ang Pickleball duo sa court. Tuloy-tuloy ang kanilang panalo, at bago pa man ang Semi-Finals ay nasa Top 1 na sila. Sa huli, nasungkit nila ang 1st place kontra sa siyam na duos na lumahok.
Nagbigay ng malaking pasasalamat sina Pat at Clouie sa kanilang coach na si Winona Cabardo, na tinaguriang Rank 1 Pickleball Player sa Pilipinas.
“Sobrang proud ako sa kanila,” wika ni Coach Winona.
Hindi rin nagpahuli ang buong Team Payaman sa pagsuporta, lalo na ang kaniyang mister na si Boss Keng, na todo ang suporta at payo sa buong laro.
Present din ang TP Pickleball squad sa tournament para manood at pumalakpak sa tagumpay nina Pat at Clouie.
Bilang pagdiriwang, nagsalu-salo ang grupo matapos ang kanilang masaya at hindi malilimutang Pickleball experience.
Watch the full vlog below:
The holidays are almost here, and a touch of cheerful color on your lips is…
Bilang pagdiriwang ng kanyang 7 million subscribers milestone, isang simple ngunit makabuluhang selebrasyon ang inihanda…
Sa kanyang bagong vlog, ipinakita ni Jaime De Guzman, a.k.a. Dudut Lang, hindi lang ang…
With Christmas less than a month away, now’s the perfect time to prepare meaningful gifts…
Isa na namang nakakatakam at puno ng kwentuhang food trip ang hatid ng Team Payaman…
With gift-giving season approaching, shoppers are on the lookout for practical and meaningful presents for…
This website uses cookies.