Bilang selebrasyon ng ika-apat na buwan ng bunsong anak nina Cong TV at Viy Cortez-Velasquez na si Tokyo Athena, isa na namang Disney Princess-inspired shoot ang kanilang inihanda para sa kanya.
Alamin ang nakakatuwang konsepto sa nasabing photoshoot at tunghayan ang mga nakakatuwang komentong kanilang natanggap mula sa mga netizens.
Cinderella-inspired Shoot
Hulyo 30 nang ibida ni Mommy Viy Cortez-Velasquez sa kanyang social media post ang litrato ng kanyang little ones.
Kanilang ipinagdiwang ang ika-apat na buwan mula nang ipanganak ni Viviys ang kanyang mini me na si Baby Tokyo Athena sa tulong ng The Baby Village Studio.
“Happy fourth month, my baby girl, my love!” ani Mommy Viy sa kanyang post.
Hango sa Disney character na si Cinderella, suot ni Baby Tokyo ang bright blue dress at yellow crochet headwear na talaga namang kinagiliwan ng netizens.
Full production setup ang mapapansin sa kanyang backdrop na hango rin sa nasabing karakter ng Disney.
Isa ring Cinderella-inspired cake ang regalo nina Mommy Viy at Daddy Cong na nagmula pa sa Doughable.
With Kuya Kidlat
Syempre, hindi buo ang milestone shoot ni Baby Tokyo kung wala ang kanyang kwelang kuya na si Zeus Emmanuel, a.k.a Kidlat.
Gaya ni Tokyo, nagbihis rin si Kidlat bilang si ‘Gus the Mouse,’ na hango rin sa konsepto ng nasabing Disney movie.
Maraming online tito and titas ang hindi napigilang manggigil sa cuteness overload na hatid ng magkapatid.
Cristina Vendanillo: “So cute nyo magkapatid!”
Lin Gacutan Lappay: “Cutie little Cinderella and Gusgus!”
Jme Peralta: “Napakacute naman ng mga bebe na yan!”
Sinong Disney Princess naman kaya ang susunod na inspirasyon ng milestone shoot nina Kidlat at Tokyo?
