Netizens Giggle Over Tokyo Athena’s Disney-Inspired Milestone Photoshoot

Muling natuwa ang online titos and titas ng magkapatid na Kidlat at Baby Tokyo sa kanilang Disney Princess-inspired photoshoot.

Tunghayan ang cuteness-filled third milestone shoot ng bunsong anak nina Cong TV at Viy Cortez-Velasquez.

Tokyo as Belle

Bilang selebrasyon ng ikatlong buwan ng unica hija nina Lincoln Velasquez, a.k.a Cong TV, at Viy Cortez-Velasquez na si Baby Tokyo Athena, isa na namang creative shoot ang kanilang pinaghandaan. 

Para sa kanyang third month celebration, muling nagbihis prinsesa si Baby Tokyo. Mula Snow White at Elsa, si Belle ng Beauty and the Beast naman ang naging inspirasyon nina Mommy Viy. 

Suot ni Baby Tokyo ang dilaw na bestida at headband na s’yang tema ng nasabing Disney Princess character. 

Nakapalibot din sa kanya ang red and golden motifs na mas lalong nagbigay ng makatotohanang setup para sa kanyang photoshoot.

Naging posible ang kanilang photoshoot sa tulong ng The Baby Village Studio.

Kidlat at Lumiere

Tradisyon na mula pa noong unang buwan ni Baby Tokyo na makasama ang kanyang Kuya Kidlat sa kanyang creative shoots. 

Sa pagkakataong ito, nagbihis Lumiere si Zeus Emmanuel Velasquez, a.k.a Kidlat, ang kakampi ni Belle sa nasabing palabas.

Sa isang Facebook post, ibinahagi ng Team Viviys ang ilan sa mga litrato ng magkapatid suot ang kani-kanilang mga costume.

“Happy third month my baby sister,” saad sa kanilang post.

Giggling Comments

Samantala, marami ang natuwa sa pagkamalikhain at sa cuteness-filled photoshoot na hatid ng magkapatid na Kidlat at Tokyo.

Jeah Torlao: “Super cute! Mini Viy and mini Cong!”

Cristine Asenci Sarjento: “So cute!”

Jeya Jhey Alegro: “So cute, you look like your mom!”

Arlyn Portugal: “So pretty!”