Isang kamangha-manghang trip ang hatid ng Team Payaman vlogger na si Viy Cortez-Velasquez na talaga namang gumulat sa mga manonood.
Tunghayan ang hindi matatawarang reaksyon ng Team Payaman at ng mga netizens sa newly-learned skill ni Viviys!
Drifting Ina
Sa debut episode ng kanyang bagong serye na ‘Cool Mom,’ isang buwis buhay na aktibidad ang hatid ng 28-anyos na vlogger na si Viy Cortez-Velasquez.
Bumyahe si Viviys mula Congpound hanggang sa San Simon, Pampanga upang mag-aral ng drifting.
Kasama ni Viy ang R33 Trucks sa pangunguna ni Coach Ashley Sison, isa sa mga professional female drifter sa bansa.
Una nang itinuro kay Viy ang mga basics at history sa pagdi-drift na kanyang kailangan upang mas makilala pa ang nasabing aktibidad.
Sunod naman s’yang sumalang sa practical training kung saan mano-manong itinuro ni Coach Ashley ang mga kinakailangang gawin ni Viviys sa pagmamaneho.
Sa una ay tila nahilo si Viy dahil ito ang kauna-unahang beses na nakasakay s’ya sa drifting car.
Naging madali naman para kay Viviys na matuto, dahilan upang simulan na n’ya ang kanyang ipinaplano para sa mga kapwa Team Payaman members.
Funny TP Experience
Matapos ang ilang araw na pag-eensayo ni Viviys sa pagdi-drift, kinuntsaba n’ya ang ilan sa mga malalapit na kaibigan ng asawa n’yang si Lincoln Velasquez, a.k.a Cong TV, na mapapunta s’ya sa drifting rack.
Laking gulat ni Cong nang masilayan ang asawang si Viy na nakaupo sa driver’s seat. Nilinlang muna ni Viy ang asawa na hindi s’ya sanay magmaneho, dahilan upang lalong kabahan ito.
“Sino ka ba? Asawa ko ba ‘to? Paano ka natuto nito?” biro ni Cong.
Sunod-sunod namang sumabak ang ilan pang Team Payaman members na sina Dudut Lang, Boss Keng, Coach JM, at Junnie Boy na mayroon ding mga hindi matawarang reaksyon.
“Marunong ka ba nito?” tanong ng lahat kay Viy.
Netizens’ Reactions
Samantala, marami ang natuwa at humanga sa kakaibang atakeng hatid ni Viy sa kanyang bagong ‘Cool Mom’ serye.
@CongTheVlogger: “Hanep talaga ‘to!”
@jenniferpacquing139: “Iba talaga utak ni Viy magpa trending, ang tahimik simula nanganak pero pasabog pag balik!”
@ashleydelosreyes7602: “Iba talaga yung pagka baliw ni Viy kapag gusto niyang gawin yung isang bagay. Ang solid! You never fail to amaze Cong, Viy! Astig yun!”
@gracemargauxvale3492: “NGAYON LANG AKO NAKAKATAWA NG SOBRAAAAAA. THANKS VIVIIIIIYS!!! THE BEST KA TALAGA!!!!!!!!!!!!!!!!!!!”
Watch the full vlog below:
