Tampok ngayon sa pinakabagong episode ng ‘Kwentuhan sa Veranda’ serye ni Pat Velasquez-Gaspar ang asawa n’yang si Boss Keng.
Matapos mapakinggan ang kanilang kwento, kaliwa’t kanan ang mga papuring natatanggap ng dalawa dahil sa kanilang pamamaraan ng pagtahak sa landas ng pagiging magulang.
Sa bagong episode ng ‘Kwentuhan sa Veranda’ seryeng hatid ng Team Payaman vlogger na si Pat Velasquez-Gaspar, kanyang inanyayahan ang asawang si Exekiel Christian Gaspar, a.k.a. Boss Keng, upang makipag-kwentuhan.
Bukod sa relasyon at mga anak, kanila ring pinag-diskusyunan ang reyalidad ng pagkakaroon ng lumalaking pamilya.
Sa mahigit isang oras na vlog, nangibabaw sa mga manonood ang pagde-detalye ni Pat ng mga sakripisyo ng asawa n’yang si Boss Keng pagdating sa pagiging isang ama at asawa.
Kwento ni Pat, kanyang naaasahan si Boss Keng pagdating sa pag-aalaga ng kanilang mga anak sa oras ng kanyang pahinga.
Bukod pa rito, naging sandigan rin ni Pat ang kanyang mister pagdating sa mga hamon na kanyang kinakaharap pagdating sa mental health.
Inamin ni Pat na nang manganak siya, hindi n’ya naiwasang makaramdam ng loss of sense of identity, na s’ya namang agad inalalayan ni Boss Keng.
“Ako, personally, after giving birth, nawalan ako ng sense of identity na parang gusto ko na lang lahat is para sa mga anak ko,” kwento ni Pat.
“Ako naman, matibay ‘yung mental health ko, super okay ako. Wala akong iniisip. Ang lagi ko lang iniisip, ikaw [Pat],” ani Boss Keng.
Dagdag pa n’ya, “[Iniisip ko] kung paano kita masu-support para hindi mo ma-feel na neglected ka or ‘di mo naiisip na napag-iiwanan ka. Bilang asawa mo, ‘yun ‘yung lagi kong tinitignan.”
Samantala, marami ang naantig sa sakripisyong inialay ni Boss Keng sa kanyang mga mag-iina, dahilan upang mas lalong hangaan s’ya ng nakararami.
Angel Salandanan – Rubio: “May everyone have a husband with this kind of mentality”
Mai Mai Nylah: “Sana all boss Keng!”
Cris Boragay Fidelino: “Sana ganun din sa akin. Pwede naman pala maging ganun ang mga lalaki. Sana lahat na lng. Para walang babaeng nalulungkot at nasasaktan.”
Seiko Lacuesta delos Reyes-Jaud: “Hindi lahat ganyan mindset mamsh kaya very blessed ka jan!”
Watch the full vlog below:
Viy Cortez-Velasquez, Team Payaman’s very own "girl boss," is once again showing off fire style…
Sa simpleng sorpresa at sweet bonding moments, napasaya ng mag-asawang Junnie Boy at Vien Iligan-Velasquez…
Matapos ang kanilang basketball rematch sa Star Magic All Star Games, ibang sport naman ang…
Perfect Scent by Viyline aimed to redefine the industry of home essentials when it introduced…
Ilang araw bago ganapin ang Star Magic All Star Games, tampok sa vlog ni Cong…
Hindi lang basketball skills ang hatid nina Yow at Cong TV, kung hindi pati good…
This website uses cookies.