Isang tagos sa pusong awitin ang hatid ng Queen of Teleserye Theme Songs na si Angeline Quinto.
Alamin ang kwento sa likod ng kanyang bagong awiting pinamagatang “Being With You” at kung saan ito pwedeng mapakinggan.
Being With You
Kilala ang singer at aktres na si Angeline Quinto sa kanyang galing sa pagkanta at pagsusulat. Nakilala s’ya sa kanyang mga hit singles na “Patuloy Ang Pangarap” at “Kunin Mo Na Ang Lahat Sa Akin” na talaga namang tumatak sa masa.
Bago matapos ang buwan ng Abril, isang comeback single ang inihandog ni Angeline para sa kanyang mga taga-suporta.
Ang nasabing kanta ay pinamagatang “Being With You.” Ito ay sumisimbolo sa walang hanggang pagmamahal at pagkakaroon ng kakuntentuhan sa buhay.
Sa isang Instagram reel, una nang ginamit ni Angeline ang kanyang kanta bilang background song kalakip ang video clip kasama ang kanyang asawa at mga anak.
Nang mapakinggan ng mga taga-suporta ni Angeline ang kanyang bagong kanta, ipinahatid ng mga ito ang kanilang naramdaman sa nasabing awitin.
@jjampong2009: “Ang ganda ng song! LSS!”
“Kumanta ka na naman ng mahirap abutin sa videoke,” biro ng isang fan.
Stream Now
Sumasalamin ang kantang ibinahagi ni Angeline sa isang masaya at puno ng pagmamahalang relasyon sa iyong asawa, kaibigan, pamilya, o hindi naman kaya’y mga anak.
Huwag palampasin ang pagkakataong mapakinggan ang bagong awiting handog ni Angeline Quinto.
Mapapakinggan na ang “Being With You” sa lahat ng streaming platforms gaya ng YouTube Music, Spotify, at marami pang iba!
