Doc Alvin Francisco Advocates For a Healthier Eating Habit

Hindi maipagkakaila na isa ang pagkain sa mga hilig ng mga Pilipino lalo pa’t isa ito sa mga nagpapatibay ng samahan ng pamilya o hindi naman kaya’y magkakaibigan.

Sa likod ng katotohanang ito, may ilang payo si Doc Alvin Francisco upang mapanatili pa rin ang ligtas na kalusugan sa pamamagitan ng pagkain.

Filipino Eating Culture

Sa kanyang bagong vlog, isang makabuluhang diskusyon pagdating sa tamang pagkain ang hatid ng resident Team Payaman Doctor na si Doc Alvin Francisco.

Bungad n’ya, kadikit na ng kulturang Pilipino ang pagkain ng iba’t-ibang putahe gaya na lamang ng Crispy Pata, Pritong Manok, at marami pang iba.

“Tayong mga Pilipino, sobrang hilig talaga natin sa masasarap na pagkain kasi form of family bonding [natin] ‘yan minsan,” aniya.

Dahil likas na sa mga Pinoy ang pagluluto at pagkain, may paalala lamang ang naturang medical vlogger pagdating sa mga pagkaing nabanggit.

Ayon kay Doc Alvin, karamihan sa mga hilig ng Pinoy ay ang mga pritong pagkain o hindi naman kaya’y mga processed food kung tawagin.

Bagamat napapatagal nito ang buhay at lasa ng pagkain, may babalang hatid si Doc Alvin patungkol sa negatibong epekto nito sa katawan.

“Ang downside ng mga ito is ‘yung preservatives, ‘yung mga nakasulat na ingredients. Hindi s’ya suitable sa lahat ng tao, lalo na ‘yung may mga diseases,” turo ni Doc Alvin.

Paliwanag pa niya, ang labis na pagkain ng ultra processed food ay kadalasang nagiging sanhi ng iba’t-ibang uri ng komplikasyon. 

“Minsan, nakaka-contribute pa sa hypertension lalo, tumataas pa masyado ‘yung sodium intake, tapos nagkakaroon din ng problema sa bato,” dagdag ni Doc Dex.

Eat Healthier

Upang maiwasan ang mga sakit na maaaring madulot ng pagkain ng processed food, may ilang payong hatid sina Jaime Marino de Guzman, a.k.a Dudut Lang, at Doc Alvin.

“Kailangan mo lang talaga piliin ‘yung source of food mo. Mura talaga sa palengke eh,” kwento ni Dudut.

Dagdag pa nila, mainam na suriin ang mga nilalaman o ingredients ng pagkaing nais kainin. Huwag ding kalimutang sumubok ng healthier food options gaya ng pagkaing mayaman sa fiber at protein.

Panatilihin din ang pagkain ng tamang sukat ng gulay at prutas, at regular na page-ehersisyo upang mapanatili ang magandang kalusugan.

Watch the full vlog below: