Muling nagbabalik sa runway ang isa sa mga kilalang clothing brand sa bansa, ang “Bench Body of Work,” na ginanap sa SM Mall of Asia Arena noong Biyernes, Marso 21, 2025.
Dinaluhan ito ng mga sikat na celebrities, personalities, at models, kabilang ang content creator na si Zeinab Harake, na hindi nagpahuli sa kanilang sizzling hot looks.
Unang nagpasiklab ang GMA actor na si Alden Richards sa pagbubukas ng show, habang ang “Box Office Queen” naman na si Kathryn Bernardo naman ang nagsilbing closing act sa nasabing runway fashion show.
Kasama rin sa mga rumampa ang ilan pang mga aktor gaya nina EA Guzman, Royce Cabrera, Jake Cuenca, Kelvin Miranda, Janine Gutierrez, at Ina Raymundo, na nagbigay ng bold at stylish statements sa kani-kanilang Bench outfits.
Isa sa mga pinaka-inabangang performances ng gabi ay mula sa P-Pop brand ambassador n SB19 na kinabibilangan nina Pablo, Ken, Stell, Josh, at Justin.
Dumalo rin sa event sina Joshua Garcia at David Licauco, habang nagpakita naman ng youthful energy ang Pinoy Big Brother Gen Z housemates na sina Kai Montinola, JM Ibarra, at Fyang Smith, pati na rin sina Andres at Atasha Muhlach, Seth Fedelin, at Francine Diaz.
Higit pa rito, umagaw rin ng pansin ang red at black swimwear na suot ng mga celebrities tulad nina Sunshine Cruz, Lovi Poe, at beauty queens na sina Michelle Dee, Ariella Arida, Celeste Cortesi, at iba pa, na nagbigay ng striking statement sa runway.
Sa pagtatapos ng event, umakyat sa stage ang Bench CEO na si Ben Chan, kasama ang lahat ng models at celebrities, para sa isang grand curtain call.
Bukod sa underwear collection, ipinakita rin sa show ang Bench activewear line, na inirampa ng 2021 Olympic Gold medalist Hidilyn Diaz, Mister World Philippines 2024 Kirk Bondad, Kapuso actress Max Collins, at content creator na si Zeinab Harake.
Suot ang black leather swimwear na bumagay sa kanyang fierce aura, umagaw ng atensyon si Zeinab sa pamamagitan ng kanyang confident runway walk.
Isa sa mga hinangaan ng mga manonood ay ang kanyang mini baton-twirling performance.
Sa kanyang latest vlog, ibinahagi ni Zeinab kung gaano siya kasaya na maging parte ng nasabing event. Aniya, matagal na niyang pinangarap na maging isang runway model, kaya labis ang kanyang pasasalamat sa pagkakataong ibinigay ng Bench.
“I’m so grateful to be invited kasi sobrang pangarap ko ang maging model. Kung napunta [man] ako sa vlogging career, dream ko talaga is maging runway model—and this is my first time!” pasasalamat ni Zeinab.
Samantala, agad na nag-viral sa social media ang kanyang runway modeling moment, na umani ng papuri mula sa netizens.
Joana Vallejo: “This is [a] real fashion show. Zebby looks stunning and elegant.”
Joy Ramos: “Grabe! Congratulations on your 1st fashion show! I’m so proud of you!”
Shella Damasco: “Sooo proud of you Zebby! You’re absolutely crushing it!”
Watch the full video below:
Our moms, grandmothers, and even those who serve as mother figures in our lives deserve…
Isa ka rin ba sa mga sumubaybay sa YouTube livestream era ng Team Payaman vlogger…
Hindi na lingid sa ating kaalaman ang mga hamon na kinakaharap ng ating balat araw-araw.…
Matapos ang matagumpay na pilot episode, bumalik ang Team Payaman Wild Dog na si Exekiel…
Isang bagong milestone na naman ang naabot ng Content Creator na si Agassi Ching matapos…
Life’s full of unforgettable events. Milestones such as graduations, birthdays, weddings, anniversaries, must be kept…
This website uses cookies.