Isang exciting na hamon ang handog ng social media content creator na si Von Ordona ng Billionaire Gang sa publiko.
Tumataginting na isang milyong piso ang kanyang iniaalok sa mananalo sa kaniyang challenge na makakatulong sa kanya na maabot ang kanyang inaasam na sampung milyong YouTube subscribers.
Sa kanyang vlog, ibinahagi ng Millionaire Gang member na si Von Ordona ang pangmalakasang hamon na makakatulong sa kanyang matupad ang inaasam na sampung milyong subscribers sa YouTube.
Ayon sa 27-year-old vlogger, teamwork lang ang kailangan sa nasabing hamon dahil sa likod ng pagtulong sa kanya mga manonood na maabot ang pinapangarap na subscriber count, tutulungan din niyang maabot ang pangarap ng kanyang lucky winner na mag-uwi ng isang milyong piso.
Inaanyayahan niya ang lahat, bata man o matanda, babae o lalaki, na sumali sa exciting Social Media Challenge na inihanda ni Von.
Ayon kay Von, ang kanyang birthday wish ay maabot ang sampung milyong subscribers at matanggap ang coveted Diamond Play Button.
“Guys, sobrang pangarap ko talagang magka-ten million subscribers at makuha ang Diamond Play Button bago ang birthday ko… June 9th, mag-tu-turn 27 na po ako,” aniya.
Simple lang ang mechanics, mga Kapitbahay!
Kailangan lang gumawa ng kahit anong uri ng video mapa-shorts man o reels, para sa kahit anong social media platform (TikTok, Instagram, Facebook, YouTube) na naghihikayat sa mga viewers na mag-subscribe sa YouTube channel ni Von Ordona.
Ang susi dito ay ang pagiging malikhain at pagiging viral. Ang video na may pinakamaraming views ang s’yang tatanghaling panalo! Mangyari lamang gamitin ang official hashtag na #VonSampungMilyon upang mapabilang ang inyong entry.
Binigyang diin ni Von na walang mawawala kung susubukan ang kanyang hamon. Dagdag pa ng kanyang misis na si Carlyn Ocampo, “Kahit anong video ay pwede nilang gawin basta ang point ay kailangan nilang sabihin na mag-subscribe sa’yo at paabutin ka ng ten million subscribers.”
“Kapag meron nang nanalo, itong vault ay dadalhin namin mismo sa bahay niyo at sa mismong pintuan niyo, bubuksan natin ang vault dahil ikaw ang nanalo ng isang milyon,” pangako ng mag-asawa.
“Kahit saang sulok ng mundo… pupuntahan namin para i-deliver itong 1 million pesos,” dagdag pa nila.
Tara, mga Kapitbahay! Sumali na sa #VonSampungMilyon challenge at maging bahagi ng karera patungo sa 10 million subscribers ng ating Team Payaman friend na si Von Ordona!
Watch the full video here:
Now that the weather is getting colder, maintaining well-moisturized skin becomes a challenge, often leaving…
Dahil back-to-school season na, ibinahagi ni Mommy Viy ang ultimate baon buddy ng panganay niyang…
Marami ang naaliw nang simulan ng mag-asawang Kevin at Abigail Hermosada ang kanilang ‘weird cravings’…
Hot on the heels of their last successful drop, Cong TV’s official clothing line, Team…
Matapos hindi makasama sa nakaraang biyahe ng Team Payaman sa Hong Kong, nakabawi si Burong…
Isang makabuluhang feeding activity para sa mga stray dogs ang tampok sa pinakabagong episode ng…
This website uses cookies.