Cong TV, Junnie Boy, & Boss Keng Face Off In An Ultimate Cook-Off Challenge

Matapos sumalang nina Dudut Lang, Viy Cortez-Velasquez, at Ninong Ry sa pilot episode ng Kusina Wars serye ni Viviys, sunod na lumahok sina Cong TV, Junnie Boy, at Boss Keng.

Bukod sa kanilang nakakatawang contents, may ibubuga kaya ang mga ito pagdating sa pagluluto? Alamin kung sino nga ba ang tatanghaling kampyon pagdating sa kusina. 

The Cook-Off

Sa bagong vlog ng 28-anyos na vlogger na si Viy Cortez-Velasquez, masaya nitong ibinida ang contenders ng second episode ng kanyang Kusina Wars serye.

Ang mga inihandang putahe ng mga kalahok ay s’yang titikman at bibigyan ng puntos ng mga hurado.

Taas noong tinanggap nina Lincoln Velasquez, a.k.a Cong TV, Marlon Velasquez Jr., a.k.a Junnie Boy, at Exekiel Christian Gaspar, a.k.a Boss Keng ang hamon ni Viy.

Classic Pinoy Pork Sinigang ang napiling putahe ni Viy na lulutuin ng mga kalahok, na kanilang kailangang matapos sa loob ng isang oras. 

Binigyan din ang mga ito ng kalayaan na lagyan ng kakaibang twist ang kani-kanilang mga lutuin.

“Si Cong ang mananalo d’yan! Sinadya ko na tanging alam ni Cong ang lulutuin [nila]” biro ni Viviys.

Mas binigyang kulay ng mga kalahok ang nasabing hamon nang mag-bitaw ito ng mga nakakatawang komento laban sa isa’t-isa.

“Ang turo ni Papa, kapag nagluluto, dapat may pagmamahal! ‘Di mo alam ‘yun, ‘di mo naman naging Papa ‘yun!” biro ni Cong kay Boss Keng. 

May kanya-kanyang atake ang mga kalahok pagdating sa pagluluto ng Sinigang gaya ng paraan ng pagluluto gamit ang  kanilang mga requested ingredients.

And The Winner Is…

Matapos matikman ang pangmalakasang Sinigang nina Cong, Junnie, at Boss Keng, isa-isa itong pinuntusan ng mga hurado.

Sina Jaime Marino de Guzman, a.k.a Dudut Lang, Aaron Macacua, a.k.a Burong, Tita Krissy Achino, Viviys, Yow Andrada, at Kuya Terio ang humusga sa luto ng Team Payaman Trio.

Bukod sa lasa, kinilatis ng mga ito ang histura, amoy, at paraan ng pagkakaluto ng kanilang Sinigang. 

“Ang sarap!” reaksyon ni Viviys.

“Hindi tinipid, pero tinamad!” biro ni Tita Krissy nang matikman ang luto ni Junnie.

“Sarap kumain ng hollow blocks!” hirit naman ni Yow kay Boss Keng.

Nang tikman ito ng mga hurado, nangibabaw ang Classic Pork Sinigang ala Cong TV, kung kaya’t  siya ang itinanghal na kampyon. 

Funny Comments

Samantala, inulan naman ng mga nakakatawang komento mula sa mga manonood ang kauna-unahang cook-off ng Team Payaman boys.

@feitceira: “Gusto pa may harang, ano yan exam? HAHAHAHAHAHAHAHAHAHA”

@bretheartgregorio1886: “50% luto 50% trash talk. Burong Yow and Steve naman sana next!”

@ChelMaderazo: “Laugh trip talaga itong si Tita Krissy Achino hahahaha! Next episode sino kaya?”

@darwincasidsid4941: “Hindi tinipid pero tinamad! LT”

@msmanalo1562: “More kusina wars kasama silang tatlo. Ang saya lang panoodin!”

@labzero4158: “Super confident si Junnie at Keng. Sa huli, luto pala nila pinaka malalait HAHHAHAHAHAHAHAH!”

Watch the full vlog below:

Yenny Certeza

Recent Posts

Cong TV’s ‘Cong Clothing’ Drops Hints of New Collection

Following the release of their successful TEAM PYMN: Headbang collection earlier this year, Cong Clothing…

1 day ago

Veteran Wedding Host Eri Neeman Addresses ‘Kalbo’ Jokes

Kilala si Eri Neeman bilang isa sa mga tanyag na wedding hosts sa bansa na…

1 day ago

Reasons Why Your Home Needs Perfect Scent by Viyline’s Room and Linen Spray

Want that luxurious "amoy mayaman" vibe without emptying your wallet? Achieve a refined and luxurious…

2 days ago

Cong TV Levels Up the Payback Game Against Boss Keng

Makalipas ang halos apat na buwan, ginulat ng Team Payaman headmaster at content creator na…

2 days ago

Doc Alvin Explains Women’s Hormonal Cycle and Announces New Supplement

Sa isang bagong IG reels upload, muling naghatid ng kaalaman ang resident Team Payaman doctor…

2 days ago

Times That Team Payaman’s Genggeng Became So Relatable

Bukod sa pagiging kilalang miyembro ng Team Payaman, unti-unting bumubuo ng pangalan Genggeng sa mundo…

3 days ago

This website uses cookies.