Hairstyle Dilemmas: Cong TV Proves Hair Theory is Real

Isa ngayon sa mga suliraning kinakaharap ng Team Payaman vlogger na si Cong TV ay ang kanyang bagong hairstyle.

Tunghayan kung paano nga ba ito napatunayan ang katotohanan sa likod ng “Hair Theory.”

Hairstyle Ratings

Kamakailan lang ay ginulat ni 32-anyos na vlogger na si Lincoln Velasquez, a.k.a Cong TV ang kanyang mga kasamahan sa kanyang bagong look.

Kasabay nito ang kapwa Team Payaman vlogger na si Exekiel Christian Gaspar, a.k.a Boss Keng sa pagpapakulot ng buhok.

Salungat sa kanyang pagkagalak, marami ang nanghinayang sa lumang hairstyle nito, kabilang na ang kanyang misis na si Viy Cortez-Velasquez.

“Ang pangit!” reaksyon ni Viviys nang unang makita ang new look ng mister.

Dala ng pagkadismaya sa kanyang bagong look, isa-isang binigyang puntos ni Cong ang kanyang mga naging hairstyle sa kanyang bagong vlog.

Aniya, naisipan niyang i-rate ang kanyang mga naging hairdo upang makita kung alin nga ba sa kanyang mga nagdaang hairstyles ang bagay sa kanya.

“‘Yan ‘yung mga buhok ko na talagang nadadala ako sa pedestal ng kapogian. Gumagana ‘yung tinatawag na hair theory” kwento nito.

Isa-isa ring kinategorya ni Cong ang kanyang mga naging hairstyles mula sa “pinakamaganda,” “maganda,” “sakto lang,” at “pwede na”.

Ibinahagi rin nito sa mga manonood ang pinaka-ayaw niyang hairstyle na ayon sa kanya ay ang pinakamatagal niyang hairstyle noon.

“Ito, sa lahat, ito ang pinaka-hate ko sa lahat kasi ang tagal ko s’yang buhok. Utang-uta na ako sa histura kong ‘to!” biro nito.

Hair Theory

Matapos isa-isahin ang kanyang mga hairstyles, napatunayan nito na totoo nga ang “Hair Theory” – isang konseptong lumalaganap ngayon sa TikTok na nagsasabing ang pagbabago ng hairstyle ay mayroong malaking epekto sa hitsura ng tao at maging sa persepsyon ng iba sa kanila. 

Marami sa kanyang mga tagapanood ang namangha nang unang masilayan ang hairstyle nito sa kasal nila ni Viy noong Hunyo.

Laman ng mga TikTok videos at Facebook reels si Cong dala ng paghanga sa kanyang “glow-up” at ganda ng hairstyle. 

@rain: “Hair theory is real!”

@snakeye: “Pumogi talaga si Cong, promise, bumabata!” 

“Nababasa ko na may pa-hair theory talaga sila [mga netizens] d’yan eh. Na talaga namang kaya baguhin ng buhok ‘yung pagmumukha ng isang nilalang,” biro nito.

Biro naman ni Viviys, “Balik ka na naman sa [pagiging] meme! Okay na ‘yung madaming nag-i-i-slow mo sa’yo!”

Funny Reactions

Nang isa-isang tanungin ang reaksyon ng kanyang mga kasamahan sa Congpound tungkol sa kanyang bagong curly hairstyle, tila nalungkot si Cong sa mga sagot nito.

“Panget!” walang kamuwang-muwang na sagot ni Kidlat.

“Bakit ka ba kasi nagpa-ganyan? Ang gwapo gwapo na n’ung buhok mo eh!” reaksyon ng kanyang ina.

Maya-maya pa’y sinugod nito si Boss Keng na s’ya ring mastermind sa kanilang hair perm bonding.

“Kasalanan mo ‘to, kasalanan mo ‘to! Bakit mo ako inaya magpa-perm” aniya.

Pabirong sagot naman ni Boss Keng, “Pogi ka naman ah?”

Watch the full vlog below:

Yenny Certeza

Recent Posts

Vien Iligan-Velasquez Shows Off Her Latest Vietnam and Indonesia Fashion Finds

Vien Iligan-Velasquez is adding more stylish pieces to her wardrobe as she shares her latest…

14 hours ago

Purple Hearts Brings Fruit and Vegetable-Based Nutrition Closer to Filipino Families

Finding ways to encourage children to eat healthier can be a challenge for many parents,…

14 hours ago

Making Healthy Choices Easier: Simple Ways to Add More Nutrition to Your Family’s Daily Routine

Between school, work, errands, and family activities, preparing healthy meals every day can be a…

14 hours ago

Viyline Mobile Billboard is Giving Free Tickets for Team Payaman Fair 2026

The countdown to Team Payaman Fair 2026: VIYond The Beat just got even more exciting!…

5 days ago

Pat Velasquez-Gaspar Shares Essential Bath Time Safety Tips for Active Toddlers

As children grow more active and curious, keeping them safe during everyday activities becomes increasingly…

6 days ago

Boss Keng and Mommy Pat Share Son Isla’s Transition From Homeschooling in New Vlog

‎ Panibagong milestone ang ipinagdiwang ng pamilya Velasquez-Gaspar matapos ang transisyon ng panganay na si…

6 days ago

This website uses cookies.