Bilang bahagi ng pagdiriwang ng Feast of Our Lady of the Rosary tuwing Oktubre, isinasagawa ng Sto. Niño de Cebu Parish ang taunang “Pagsinta kay Maria” bilang pagpapakita ng pagmamahal at debosyon sa Inang Birhen sa pamamagitan ng mga awit, dasal, at rosaryo, na dinadayo ng mga deboto.
Noong Oktubre 24, nakiisa sa nasabing pagdiriwang ang pamilya ng Team Payaman vlogger na si Viy Cortez-Velasquez sa Sto. Niño de Cebu Parish sa Biñan City, Laguna. Pinangunahan ng kanilang Padre de Pamilya, si Rolando Banaria Cortez, o mas kilala bilang “Papa WOW,” ang kanilang alay na debosyon bilang tanda ng kanilang pagpaparangal kay Maria.
Ayon kay Fr. Exuper G. Lumintac, OSA, Parish Administrator ng Sto. Niño de Cebu Parish, napakahalaga ng “Pagsinta kay Maria,” lalo na sa pananampalatayang Katoliko.
“Dito natin inaalay ang pagpaparangal kay Maria. Sa pamamagitan ng awit, dasal, at rosaryo.”
Pinaalalahanan din ni Fr. Lumintac ang mga kabataan na huwag ikahiya ang debosyon kay Maria, sapagkat sa pamamagitan ng konkretong hakbang tulad ng pagdadala ng rosaryo at paglapit sa mga imahen, ay mas lalo nilang mapapalapit ang kanilang sarili sa Ina ng ating Panginoong Hesukristo.
Sa kabilang banda, binigyang-diin naman ni Rev. Fr. Ric Anthony Reyes, OSA, Spiritual Director ng Parish Choirs, ang kahalagahan ng rosaryo.
Ayon sa kanya, “Ang Rosaryo ay isa sa mga pinakamalalim na paraan ng pagbibigay puri sa Kanya, dahil ang pagdarasal ng Rosaryo ay tulad ng pag-aalay ng mga rosas.”
Ayon naman kay Br. Edgar Ortega Balinado, Head ng Music Ministry ng parokya, ang “Pagsinta kay Maria” ay isang pagkakataon ng pagkakaisa ng komunidad sa pamamagitan ng pagmamahal sa Inang Birhen. Ito ay isang patunay ng matibay na pananampalataya at debosyon ng mga Katoliko kay Mama Mary.
Sa huli, nagbigay ng mensahe sa mga dumalo ang Assistant Head ng Legion of Mary ng simbahan na si Br. Ariel ‘Ayi’ Cabraera, upang ipagpatuloy ang pagpaparangal kay Maria at ang kahalagahan nito bilang gabay para sa lahat, lalo na sa mga kabataan, upang mas mapalapit sila sa Diyos.
Watch the full video here:
https://www.facebook.com/viylinemediagroup/videos/575556901675207
Naging espesyal ang anniversary trip ng Team Payaman couple na sina Viy Cortez-Velasquez at Cong…
Sa pinakabagong vlog ng food at content creator na si Ninong Ry ipinasilip niya ang…
Excited na inanunsyo ng nakababatang kapatid ni Viy Cortez-Velasquez na si Yiv Cortez ang isang…
Nakisaya sina Mommy Viy at Daddy Cong sa fun run ni Kuya Kidlat na ginanap…
Isang pasilip sa kanyang buhay bilang estudyante at UnionDigital Bank social media manager ang hatid…
Viyline Group of Companies CEO Viy Cortez-Velasquez proudly announced the official rollout of Viyline’s newest…
This website uses cookies.