Kilala ang small-but-terrible pet na si Tawki bilang parte ng Pamilya Velasquez na kasama nila sa kanilang tahanan.
Sa kasamaang palad, nasawi ang kanilang tinaguriang “Little Jaguar,” at ito ang ilan sa mga tagpo bago ito tuluyang mamaalam sa kanyang fur parents.
Sa pinakabagong vlog ni Pat Velasquez-Gaspar, malungkot nitong inanunsyo ang pagkasawi ng alaga nitong aso na si Tawki.
Si Tawki ay naging parte na ng Pamilya Velasquez at matagal ding nakasama ito sa kanilang bahay sa Cavite.
Bago maihatid sa kanyang huling hantungan, isa-isang ibinahagi ng magkakapatid na Velasquez ang kanilang nararamdaman sa nangyari.
“2015 pa pala ‘tong picture natin. Ikaw nagpaalala sakin ulit Tawki gaano kabilis ang oras. One day masaya lang tayong naglalaro sa bahay at nagvvlog sa Cavite tapos sa isang iglap 77 ka na pala sa Dog years at matanda na,” ani Cong TV sa isang Instagram post.
Dagdag pa nito: “Thank you sa sa lahat ng saya naidulot mo sa pamilya natin. Habang buhay ka sa puso namin. I’ll miss you and I love you Tawki mahboy!”
“Alam namin naging masaya ka sa lifespan mo! Masaya din kami sa lahat ng bagay na pinagsamahan naten. Rest in power dogstar! Tawki Velasquez,” mensahe naman ni Junnie Boy.
Nagsama-sama ang magkakapatid na Velasquez at mga magulang nito na sina Jovel Velasquez at Marlon Velasquez Sr., a.k.a Papa Shoutout, sa viewing ng kanilang minamahal na si Tawki.
Hindi napigilang maging emosyonal ng Pamilya Velasquez nang unang itong masilayan si Tawki.
“Bye, bye, baby ko!” wika ni Mama Jovel.
“Thank you, ba-bye!” emosyonal na mensahe ni Junnie.
Maya-maya pa ay sumunod si Lincoln Velasquez, a.k.a Cong TV upang masilayan sa huling pagkakataon si Tawki, at indi rin nito napigilang maging emosyonal.
“Makakakuha kaya ako ng balahibo n’ya? Ilalagay ko kasi sa damit,” request nito.
Isa-isang binalikan nina Cong, Venice, Junnie, at Pat ang kanilang mga alaala kasama si Tawki.
“Dati nakakatabi pa natin ‘yan sa kama eh. ‘Di ba? Parang galit s’ya, parang mainit ang ulo. Pero kapag nilambing mo, talagang dila lang s’ya nang dila!” kwento ni Pat.
Nabanggit din nila na isa ang pinsan nilang si Jasmin sa mga nakakalaro ni Tawki noong araw.
Bumuhos naman ang pakikiramay ng mga OG supporters ng Team Payaman na natunghayan ang pagsasama ng Pamilya Velasquez at ni Tawki.
@imelyngarcia5925: “Sobrang iconic ni Tawki. He was there as a content material before anyone else in Team Payaman. Tawki the OG!!! We lablab you, bebe. Run free!”
@SMzams: “Ngayon ko lang nakita emotional si Cong mas lalo nakakaiyak. Run free Tawki!”
@LifeWithMae__: “Ahhhhh.. One of Cong’s content material! Isa sa inaabangan ko palagi, one of the pinaka OG Tea Payaman talaga!”
@christiansantiago6039: “Tawkii mah friend. How are you my friend?” Isa sa pinaka iconic and nostalgic line ni Cong TV lalo na nung CHongdo days, tapos nauwi sila ng Cavite, una laging nasalubong is si Tawki!”
Watch the full vlog below:
Talaga namang ‘living the pinterest dream’ ang vibe na hatid ng Team Payaman momma na…
It’s that time of the month again, where Viyline MSME Caravan takes everyone’s shopping experience…
Bukod sa pagpapatawa at paggawa ng mga viral content online, ipinapakita rin ni Anthony “Yow”…
Bukod sa pagiging content creator at mapagmahal na asawa, muling ipinamalas ni Boss Keng ang…
Sa likod ng successful prank ng Team Payaman Girls kay Tita Krissy Achino sa gitna…
Payday doesn’t only mean you’re getting paid for your hard work, but also spoiling yourself…
This website uses cookies.