Kamakailan lang ay ipinasilip ng mag-asawang Cong TV at Viy Cortez-Velasquez ang bagong tahanan ng kanilang pamilya, partikular na ang kanilang very aesthetic kitchen.
Ibinahagi nina Mr. at Mrs. Velasquez ang kanilang mga pinagdaanan at naging kasangga sa pagbuo ng kanilang dream kitchen.
Dream Kitchen
Sa isang Facebook post, ibinahagi ng Mayfair and Co, isa sa mga tanyag na Home Organizing Atelier & Label Studio, ang naging proseso sa pagpapaganda pa ng kusina sa bagong tahanan ng Pamilya Velasquez.
Ang Mayfair and Co, sa pamumuno ng co-founder nitong si Imee Magdaraog, ang tumulong mag-organisa sa kusina nina Lincoln Velasquez, a.k.a Cong TV at Viy Cortez-Velasquez.
Sa nasabing interview, hindi napigilan ng mag-asawang Cong at Viy na ipa-abot ang kanilang pagkagalak sa pagkakaroon ng mas malaking at mas magandang espasyo para sa paluluto at pagkain.
“The house is exactly what we wanted to be! Hanggang ngayon, hindi pa rin ako makapaniwala na finally, hindi na kami lilipat ng bahay,” bungad ni Cong.
Ani Viviys, naging malaking tulong ang Mayfair and Co sa pagpapaganda at pagaayos ng mga kagamitan sa kanyang kusina.
“Nag-search ako ng mga lalagyan ng mga shampoo, ng mga condiments, and na-search ko si Mayfair,” kwento nito.
Dagdag pa nito: “N’ung nag-inquire ako, bibili lang sana ako, sila mismo ‘yung pumunta para i-organize at mag-lagay ng label!”
Labis ding namangha si Cong sa mga naging hitsura ng kanilang mga gamit sa kusina.
“Imaginine mo cooking oil oh, tignan mo hitsura. [Yung] soy sauce, tignan mo oh! Kala mo Starbucks!” biro nito.
Dagdag pa nito: “Nakakaproud ‘yung bahay, syempre pinaghirapan natin ‘to eh!”
Nang tanungin kung anong parte ng kanilang bagong kusina ang kanilang pinaka-paborito, walang pagdadalawang isip nila itong ibinahagi.
“Ang favorite part ko siguro, kung ako ang tatanungin, itong lutuan kasi marami akong content na magagawa dito,” sagot ni Viviys.
Para naman kay Cong, “‘Yung pagkaka-arrange talaga dito [sa pantry], kapag nakikita ko parang ayoko talagang galawin!”
Isa rin sa ipinagmamalaki ng mag-asawang Cong at Viy ay ang kanilang mini-coffee bar para sa kanilang mahihilig sa kape.
“Ang ganda! Hindi nasayang ‘yung kinalabasan n’ung kusina. Perfect combination ‘yung ganda ng kusina,” ani Viviys.
Congratulatory Messages
Gaya nina Cong at Viy, hindi rin naitago ng mga taga-suporta ng Team Payaman power couple ang kanilang tuwa sa bagong biyaya para sa Pamilya Velasquez.
Junior Quintela: “Ganda po ng bahay niyo, parang ‘di ka na aalis pag ganyan! Mag-sstay ka na lang.”
Vy Areved: “Mapuno [sana] ng madaming pagmamahal ang inyong bahay!”
CMV Interior Designs: “Great space!”
Mayeth Soltes Montifar Saldana: “Beautiful house with a beautiful family. God bless your family more and beyond you both deserve it!”
Ano ang hatol n’yo sa bagong bahay nina Viviys at Cong TV, mga Kapitbahay? I-comment n’yo na ‘yan!
Watch the videos below:
