Bukod sa kanyang mga nakakatuwang TikTok videos, isa sa mga talentong nadiskubre ng Team Payaman member na si Kevin Hufana kamakailan lang ay ang kanyang kakayanan pagdating sa hosting.
Tunghayan ang pagkilala ni Keboy sa panibagong talentong kanyang ibubuga bilang isang Communication Arts student.
Kilala sa kanyang mga nakakatuwang TikTok contents online, isa pa sa talentong ipinamalas ng Team Payaman member na si Kevin Hufana ay ang angking galing nito sa pagho-host.
Sa isang TikTok video, ibinahagi ng executive assistant ni Cong TV na napapansin nito ang sunod-sunod na pagsabak nito sa hosting.
Aniya, isa ang kanyang mga kaklase sa mga naging dahilan kung bakit ito napipili bilang host ng kanilang mga events sa eskwelahan.
“Palagi sa school, kapag may event, ako ‘yung pinaghohost nila! Sabi nila: marunong ka palang mag-host,” kwento nito.
Inamin ni Kevin na hindi nito napapansin ang kanyang talento sa hosting dala ng kanyang pagiging mahiyain sa harap ng maraming tao.
“Ang lakas ng kaba ko kapag feeling ko maraming nakatingin sa akin,” ani Keboy.
Dala ng kanyang galing sa pananalita, naimbitahan ng grupo ng Ayala Alabang Camera Club si Kevin upang mag-host sa kanilang event.
Bagamat nagdadalawang-isip ito bago sumalang sa entablado, taas noong sinubukan ni Kevin ipagpatuloy ang kanyang pagiging host.
Dagdag pa ni Keboy: “Why not give it a try? Baka nga tama sila? [Baka] may future nga ako sa hosting?”
Payo naman ni Kevin sa mga nagnanais simulan ang kanilang karera: “Kailangan mo lang din magtiwala sa sarili mo, kaya mo ‘yan!”
Sa nasabing TikTok video, ipinahatid din ng mga taga-suporta ni Kevin ang kanilang pagbati sa nasabing Team Payaman member.
TARA KAY KUYA EL! on Spotify: “Host Jam is shaking!”
D to the Zone: “Ikaw na si KeVOICE!”
Mommyclaudz: “Mima, naririnig mo ba sarili mo? Ang ganda ng intonation mo, ang clear ng words. ‘Di ako magugulat na magiging kilala kang host!”
Beauty&wellness05: “Maganda ka kasi mag deliver ng mga words!”
pat b: “Congrats!”
Mariah & Saxon: “Pwede po kayo maghost sa wedding namin?”
Talaga namang maraming aabangan mula kay Kevin Hufana ngayong nagsisimula na ito sa kanyang karera bilang isang host.
Gusto niyo rin bang makita si Host Keboy sa nalalapit na Team Payaman Fair: The Color of Lights 2024? Abangan!
Watch the full video below:
Kamakailan, ibinahagi ng Team Payaman vlogger na si Viy Cortez-Velasquez ang kanyang bagong vlog, na…
Isang masaya at nakakabusog na mini foodtrip vlog ang hatid ng magkakapatid na Viy Cortez-Velasquez,…
The new year is the perfect time to refresh not just your routines, but your…
Ngayong taon lamang ay ibinahagi ng former Team Payaman editor na si Carlo Santos ang…
Isang masaya at puno ng memoryang vlog ang hatid ni Viy Cortez-Velasquez at Lincoln Velasquez,…
Muling binalikan ni Cong TV ang isa sa mga nakasalamuha niya sa kanyang ‘ISTASYON’ vlog…
This website uses cookies.