Junnie Boy Drops First Single and Music Video of ‘Dalangin’ Featuring Team Payaman

Isang surpresa ang hatid ngayon ni Junnie Boy sa kanyang mga manonood matapos ianunsyo ang paglabas ng kanyang first-ever single at music video.

The Making of “Dalangin”

Anim na buwan na ang nakakalipas nang ipasilip ni Marlon Velasquez Jr., a.k.a Junnie Boy, ang kanyang paghahanda para sa nilulutong proyekto.

Tatlong vlogs ang hatid nito sa kanyang YouTube channel na nagpapakita ng kanyang mga preparasyon para sa kanyang kauna-unahang kanta.

Una na nitong ipinarinig sa kanyang kapwa Team Payaman members ang tunog ng kanta sa kanyang ‘MELODI’ vlog.

Ang mga liriko naman ang sunod nitong pinaglaanan ng oras na ipinasilip nito sa kanyang ‘LIRIKS’ vlog.

Hindi rin nagdalawang isip si Junnie Boy na humingi ng opinyon sa kanyang mga kasamahan upang lalong mapaganda ang nilulutong awitin. Kanya ring ipinaliwanag ang kahulugan ng bawat lirikong inilalagay sa kanyang kanta.

Matapos mailapat ang mga liriko sa tugtog, taas noo itong sumabak sa recording, na kanyang ibinahagi sa kanyang ‘REKORDING’ vlog.

“Dalangin” by Junnie Boy

Matapos ang ilang buwang paghihintay, inanunsyo na ng nakababatang kapatid ni Cong TV na si Junnie ang paglabas ng kanyang first-ever single.

“Maririnig na sa Spotify mamayang 12 midnight!” ani Junnie sa isang Facebook post, Agosto 22 ng gabi.

Ang “Dalangin” ay isang kantang nagpapahayag ng pasasalamat at panalangin, pag-aalay ng pagpapahalaga ng isang taong nagmamahal.

“Wala nang hahanapin, pag-ibig mo’y sapat.

Ika’y aking dalangin, ang nadarama sayo’y tapat”

Napupuno ng sinseridad, emosyon, at personal na mensahe, dahilan upang maging mas nakakakilig ang obra ni Junnie.

Bumida sa music video ng kanyang kanta ang kapwa Team Payaman members na sina Carding Magsino, Awi Columna, at Danica Suazo.

Gaya ng tema ng kanta, ang music video ay patungkol sa kwento ng dalawang nag-iibigan na ang relasyon ay sinubok ng mundo.

Marami ang naantig at natuwa sa handog na bagong awitin at music video ng Team Junnie kung kaya’t ipinadala ng mga netizens ang kanilang mga pagbati.

@ruselleguiangpineofficial: “Solid Sulit Solve talagang kantang ito!”

@jiandre: “Ang ganda ng storyline! Kudos kay Boss Burs!”

@JayveeOgaya: “Damihan mo Kuya Junnie mag upload ng kanta ganda ng boses mo solid!”

@SherylButingan-wq5hv: “Omg ito talaga inaabangan ko eh. Narinig ko pa lang noon sa vlog ni Cong na mag-rerelease ka ng kanta, abangers n ako. Ganda! Congrats, Junnie Boy!”