![](https://mediagroup.viyline.net/wp-content/uploads/2024/05/Ivy-feminity-ad-banner-version-02-May-22-1-1024x256.jpg)
Sa mundo ng Team Payaman Wild Cats, hinding-hindi mawawala ang adventure. Kapag usapang adventure, tiyak na hindi sila magpapatalo!
Tampok sa bagong YouTube vlog ni Clouie Dims ang Zambales trip ng Team Payaman girls, na puno ng walang hangganang kulitan, kantahan, at saya.
The Long Drive
“Ito na naman po ang mga tiyahin niyo… mag-a-adventure na naman, nakawala na naman… ang mga tita niyo ay going North!” bungad ni Clouie Dims.
Sa unang bahagi ng vlog, tampok ang long drive ng grupo na binubuo nina Clouie, Venice Velasquez, Eve MArie Castro, at Mau Anlacan.
Tumungo ang TP girls sa Casas Del Sol sa Zambales, na nagsilbing home base para sa kanilang adventure trip. Isang mabilis na house tour din ang ginawa ni Clouie upang ipakita ang kanilang tinutuluyan.
Sinalubong naman siya ng Team Payaman boys na sina Genggeng at Igme, na kasama rin sa nasabing bakasyon. Ipinakilala rin ni Clouie si Tita Krissy Achino at Kevin Hufana, na kasali sa grupong nauna sa kanila sa Zambales.
Karaoke Night
Bago dumating sina Pat Pabingwit at Jai Asunsion, nag-enjoy muna sila sa masayang karaoke session.
Kahit na nagkaroon ng unexpected brownout bago makakanta si Keboy, itinuloy pa rin nito ang kaniyang entry kasama si Tita Krissy, na nagresulta sa isang masayang talent show.
“Grabe! The show must go on!” ani ng kanilang kasama.
Pagkatapos ng masayang kantahan, lumabas ang grupo para maghapunan sa Sannarah’s Grill sa San Felipe, Zambales, kung saan nakasama na nila si Jai Asuncion. Pinagsaluhan nila ang mga pagkain habang patuloy pa rin ng kulitan.
ATV Adventure
Kinabukasan, sumunod si Pat Pabingwit. Sinimulan nila ang araw sa mainit na kape at masarap na almusal, at sinubukan ang ATV driving at dragon boat. Sinulit din nila ang mga kamangha manghang tanawin sa Zambales.
Watch the full vlog here:
![](https://mediagroup.viyline.net/wp-content/uploads/2024/05/Ivys-Feminity-Banner-Version-01-May-22-1-1024x256.jpg)