Vien Iligan-Velasquez and Family Fly To Hong Kong For a Disneyland Work Trip

Sa pangalawang pagkakataon, muling binisita ng pamilya nina Junnie Boy at Vien Iligan-Velasquez ang tinaguriang “Happiest Place on Earth” o ang Hong Kong Disneyland.

Hindi lang basta-basta pamamasyal ang pakay nina Mommy Vien dahil ka-partner nito ang Hong Kong Disneyland para sa kanilang bagong proyekto.

HK AdVIENture

Sa kanyang bagong vlog, ipinasilip ni Vien Iligan-Velasquez ang mga tagpo sa kanilang unang international work trip para sa Hong Kong Disneyland.

Masaya nitong ibinahagi na kasama niya ang kanyang asawang si Junnie Boy, at mga anak na sina Von Maverick, a.k.a Mavi at Alona Viela.

“Akalain mo ‘yun, ‘yung pagiging gastadora ng adVIENture MuyVien, ay makakabalik tayo ng Hong Kong Disneyland!” ani Mommy Vien.

Matatandaang una nang bumisita sa Hong Kong Disneyland ang Pamilya Velasquez noong nakaraang taon para sa selebrasyon ng anibersaryo ng JunnieVien.

Ngayong taon, muling nagbabalik ang Team MuyVien at Team Giyang bilang parte ng tourism campaign sa nasabing pasyalan.

Fun Work Trip

Pagkalapag pa lang sa kanilang hotel, naghanda na agad ang Pamilya Velasquez upang manood ng Disneyland Momentous o ang musical fountain show na ginaganap tuwing 8:30 ng gabi.

Bago ang lahat, naglibot muna ang mga ito sa loob ng kilala ng amusement park kung saan nakita nina Mavi at Viela ang ilan sa mga kilalang Disney characters, gaya ni Duffy at Elsa ng pelikulang Frozen.

Iba’t-ibang atraksyon at mga rides ang sinubukan nina Mommy Vien kasama ang kanyang mga anak na talaga namang ikinatuwa ng mga ito.

Kinabukasan, muling nagbalik ang pamilya sa Disneyland upang maglibot at kumuha ng ilang video para sa kanilang proyekto.

Ilan pa sa napakaraming rides ng Disneyland ang sinubukan ng kanilang pamilya upang masulit ang kanilang pagbisita.

“Bongga, bongga! Ang gandang experience!” kwento ni Mommy Vien.

Watch the full vlog below: