Boss Keng Revealed What Interrupted His Daily Vlog Uploads

Sa bagong YouTube vlog, ibinahagi ni Boss Keng ang dahilan sa likod kung bakit pansamantalang natigil ang kaniyang halos araw-araw na YouTube uploads. 

Ito ay matapos ma-ospital ang nasabing Team Payaman vlogger dahil ng vertigo o ang pakiramdam ng matinding pagkahilo at sakit ng ulo. 

Kaya pagpasensyahan niyo na kung hindi ako nakapag-upload. Tingnan niyo naman, na-hospital na,”  mensahe ni Boss Keng sa kanyang mga manonood.

Mga Payong Iwas Vertigo

Sa isang usapan habang kumakain sa hapag-kainan, pinagsasabihan si Boss Keng ng asawang si Pat Velasquez-Gaspar na bawasan ang oras ng paggamit ng computer dahil ito aniya ang sanhi ng vertigo ng kanyang asawa.

“Over ka sa computer. Ngayon, babantayan na kita. Ang time mo lang diyan, 4 hours,” ani Pat.

Hirit naman ni Boss Keng ay payagan siya ng kahit anim na oras.

Love, number 1 sinabi ng doctor,  ‘wag kang makikinig sa asawa mo dahil i-stress ‘yan,” biro ni Keng sa asawa. 

Gusto ko lang mag-computer nang matagal ng kahit six hours lang,” dagdag n’ya.

Samantala, ibinahagi rin ni Boss Keng ang mga kaganapan sa ospital kasama si Nelson Mendoza,  a.k.a. Sonny J, kung saan ikinuwento niya na matagal na panahon na mula noong huli siyang na-ospital.

Kaya naman ang payo sa kanya ni Sonny J ay ipagpatuloy na muli ang pag-eehersisyo sa gym na aniya ay naudlot din ng halos isang buwan.

Siguro kailangan mo lang maging physically fit, kahit saktong gym lang,” ani Sonny J.

Sa huli, pinasalamatan naman ni Boss Keng ang mga kasama niya sa bahay na nag-aalaga sa kanya sa pamamagitan ng pagdadala ng tubig at pagpapaalalang uminom ng gamot.

Okay na ‘yung dalhan ka ng gamot tsaka tubig, ‘wag lang sa ospital,” sabi naman sa kanya ni Sonny J.

Watch the full vlog here:

Likes:
0 0
Views:
97
Article Categories:
VIYLINE ENTERTAINMENT NEWS

Leave a Reply

Your email address will not be published. Required fields are marked *