Sa kanyang bagong YouTube vlog, sinubok ng Team Payaman headmaster na si Cong TV ang talento ni Kevin Cancamo, a.k.a. Genggeng, na nagpahiwatig ng pagnanais na pumasok ng Pinoy Big Brother (PBB) House o Bahay ni Kuya.
Nitong buwan lang ay naglabas ng anunsyo ang nasabing reality show na magbubukas na muli sila ng auditions para sa aspiring housemates sa kanilang 11th season.
Kuya
Kasama ang Team Payaman Wild Dogs, sinubok ni Cong ang kakayanan ni Genggeng kung papasa nga ba siyang housemate ni Kuya.
“Kaya ko kayo inassemble dito, meron kasing nagpapaalam sa’kin,” ani Cong sa TP Wild Dogs.
“Ako naman willing akong payagan siya na pumunta don,” dagdag pa nito.
Paalala lang ni Cong kay Genggeng na kailangan may baon siyang malungkot na istorya o aral na maibabahagi sa mga manonood.
Ilan sa naging hamon nila kay Genggeng ay ang rehistro ng mukha nito sa CCTV at kunyaring pag-iyak kung sakaling manalo.
Kinaumagahan naman habang natutulog si Genggeng ay nilapitan siya ni Cong TV na may hawak na telepono habang tila kausap sa kabilang linya si “Kuya.”
Kahit naalimpungatan ay binigyan siya nito ng kunyaring task na kantahin ang kantang “Buksan mo (Papasukin ako)” ni Willie Revillame.
Watch the full vlog here:
Pinoy Big Vlogger Training Center
Samantala, sa isang ekslusibong vlog ipinakita ang patuloy ang paghahanda ni Cong TV sa aspiring PBB housemate na si Genggeng.
“Pakiramdam ko talaga, hilaw pa siya as a talent para makapasok sa PBB,” ani Cong TV.
Upang mas gabayan si Genggeng, binuksan ni Cong ang tinaguriang “Pinoy Big Vlogger (PBV) Training Center” sa Congpound.
Kasama ni Genggeng rito ang in-house housemates na sina Carmina – ang prinsesa ng Mindoro; Lyn, – ang lady sweetheart ng Caloocan; Jonas – ang munting puga ng Muntinlupa; Keboy – ang halata ng Bacoor; at si Pat – ang icing sa ibabaw ng cupcake ni Aga.
Ilan sa naging hamon ni Cong ay ang perpektong reaksyon sa pagpasok ng bahay, pagpapakilala sa iba pang housemates, pagcomfort sa mga natanggal tuwing eviction night, pagharap sa kunwaring pagaaway, at pagpromote ng paparating na proyekto bilang artista.
