Cong TV Shares Quick Tips For Starting a Vlogging Career

Gaya ng isa sa mga top vloggers ng bansa na si Cong TV, kayang kaya mo rin simulan ang iyong karera sa content creation!

Alamin ang ilan sa mga payong hatid nang itinuturing na top one content creator at pinuno ng pinakasikat na grupo ng vloggers sa bansa. 

Pick Your Niche

Sa isang TikTok video, ibinahagi ni Henry de Vera ang ilang tagpo matapos itong bigyan ng payo ng tinaguriang legendary YouTube vlogger na si Lincoln Velasquez, a.k.a Cong TV.

Unang unang tip ng 32-anyos na batikang vlogger, pumili ng naangkop na “niche” para sa kanyang YouTube channel.

“Siguro Sir pick ka ng niche mo, kung ano gagawin mong ,” ani Cong.

Dagdag pa nito: “Kasi kapag paiba-iba ka ng niche na ginagawa, ‘yung mga subscriber na na-earn mo from this certain type of video, malo-lose sila kasi hindi naman ‘yun ang interest nila.” 

Binigyang diin nito ang kahalagahan ng pagkakaroon ng permenanteng niche o genre ng content na maaaring ilabas ng isang content creator.

Ipinaliwanag din nito na mayroon pa ring oportunidad na lumago ang isang YouTube channel kahit pa iba’t-iba ang laman nito.

“Although, pwede rin naman ‘yung paiba-iba. Maggo-grow din naman, posible rin naman. Matagal nga lang,” paglilinaw ni Cong.

Connect With Audience

Isa pa sa payo ni Cong TV ay ang pagkakaroon ng relasyon o koneksyon sa mga manonood.

“Importante na nakakausap ka rin nila. [Dapat] alam nilang tao ka, na nag-e-exist ka.”

Gaya ni Cong TV, isa sa mga dahilan kung bakit patuloy itong minamahal ng masa ay dahil sa relasyong nabuo nito sa kanyang mga manonood.

Matapos makarinig ng mga payong makakatulong sa kanyang pagsisimula bilang content creator, ipinahatid ni Henry ang kanyang pasasalamat kay Cong TV.

“Ita-try kong i-grow ‘yung YouTube channel ko. Salamat sa tip! Forty-one na ako eh. Naa-amaze ako sa mga generation n’yo na inabutan kayo ng YouTube!” aniya. 

Watch the full video below:

@henrydevera24

Para Sakin si Cong TV ang Kobe Bryant ng Pinas sa mundo ng Youtube 😊 Kaya humhingi ako tip sa kanya 😎 #fyp #fy #congtv #teampayaman

♬ original sound – Henry de Vera – Henry de Vera

Likes:
0 0
Views:
115
Article Categories:
VIYLINE ENTERTAINMENT NEWS

Leave a Reply

Your email address will not be published. Required fields are marked *