Hanggang ngayon, matunog pa rin sa Team Payaman fans ang tambalang PatAga na binubuo nina Patricia Pabingwit at Agabus Maza. Pero siyempre, hindi magpapatalo ang isa pang malapit sa puso ni Pat na si Coach JM.
Sa bagong episode ng Dudut’s Kitchen sa YouTube channel ni Jaime Marino De Guzman, a.k.a Dudut Lang, inimbitahan niya sina Coach JM at Agabus na lumahok sa pagluto ng Truffle Pasta na siyang paboritong putahe ni Pat.
Sa hamon ni Dudut, binigyan nito ng kondisyon ang magkatunggali na tutulungan niya sa pagluluto ang sinomang makapagbibigay ng nakakakilig na banat para kay Kuya Lim, na nagpanggap bilang si Pat at binansagan nilang “Wild Pat.”
Pinangunahan ni Coach JM ang pagbato ng pickup line at sinabing: “Pat, hindi man ako laging nagluluto o ‘di talaga ‘ko marunong magluto, pero gagawin ko ang lahat para mapasaya ka lang.”
“Pat, PASTA para sayo, gagawin ko ang lahat,” banat naman ni Agabus.
Sa unang batuhan ng linya, nagwagi si Agabus na siyang nagpakilig kay Wild Pat.
Nagpatuloy ang dalawa sa pagluluto ng Truffle Pasta habang nagbibigay ng mga nakakakilig na linya upang makahingi ng cooking tips kay Dudut.
Sa una, tila lamang si Agabus sa paggawa ng pasta na para bang alam na alam ang kaniyang ginagawa habang si Coach JM ay nangangapa pa rin sa pagluluto.
Bumawi naman si Coach JM sa pagbigay ng mga pickup line habang si Agabus naman ay tutok na tutok sa kaniyang pagluluto.
“Dati kasi akong nag-work sa coffee shop. May mga pasta kasi sa coffee shop,” pagbubunyag ni Agabus.
Sa huli ay pareho naman nilang napagtagumpayan ang pagluto ng paboritong pasta ni Pat.
Matapos ng final preparation at plating, dinala na ni Dudut ang mga Truffle Pasta para matikman ni Pat.
“Uy infairness ah, may paganto ah. Grabe ang preparation. Ang ganda,” ani Pat.
Habang tinitikman ang luto ng dalawa, nagbigay si Pat ng kaniyang opinyon nang hindi n’ya alam kung sino ang gumawa ng bawat pasta. Aniya, medyo dry pero malasa ang gawa ni Coach JM, habang malambot at creamy naman ang gawa ni Agabus.
Nahirapan ito sa pagdedesisyon at nagbiro pa na wala siyang napili sa dalawa. Ngunit sa huli ay mas nagustuhan niya ang luto ni Coach JM.
“Mas bet ko ‘to, mas lasa ‘yung truffle.”
“Si JM ang nanalo,” ani Dudut Lang.
Agad namang nakipag-shake hands si Agabus kay Coach JM at binati pa ito.
“Congrats, tol!” bati ni Aga.
Samantala, binunyag naman ni Dudut kay Pat ang bawat cook na nasa likod ng mga Truffle Pasta na kaniyang natikman.
“Si JM? Wow! Nagluluto ka talaga?” ani Pat.
“Tinulungan lang din ako ni Dudut,” sagot naman ni Coach JM.
Bago matapos ang vlog, nagbigay ng mensahe si Dudut Lang para sa mga manonood.
“Hindi ito ang punto ng laro. Ang punto ng laro ay meron akong dalawang kasamang lalaki na handang magluto kahit wala silang idea sa kung anong gagawin nila. Parehas nilang ginalingan, parehas nilang sinarapan.”
“Bilang tagapangalaga at host ng show na ‘to, my vote is for Aga. However, that is not the show,” dagdag pa nito.
Watch the full vlog below:
Game na game na ipinakilala ni Chino Liu ang sarili pati na rin ang iba’t…
Isang mabilis na balik-Hong Kong trip ang naging laman ng kauna-unahang vlog ni Genggeng sa…
Mula sa paghahanap ng trabaho hanggang sa pagbebenta ng mga personal na gamit, sinubukan nina…
First-time attendees are in for an exciting surprise as Viyline Group of Companies gears up…
Muling nagbabalik si Viviys sa kanyang old vlogging style kung saan mas personal ang mga…
Matapos ang walang tigil na paghiling sa kanilang mga magulang, tinupad na nina Daddy Keng…
This website uses cookies.