Isang makata at malikhaing tula ang handog ni Mayor TV para sa lahat ng bumubuo ng Team Payaman Fair kung saan siya ay napasama bilang influencer-entrepreneur.
Sa kanyang bagong vlog, ibinahagi ni ng vlogger ang kanyang karanasan sa ika-apat na araw ng TP Fair kung saan isang tula ng pasasalamat din ang handog nito para sa nasabing event.
Mayor TV at TP Fair
Sa kauna-unahang pagkakataon ay nakadalo bilang influencer-entrepreneur si Mayor TV sa Team Payaman Fair Paawer Up na ginanap sa SMX Convention Center Manila noong Disyembre ng nakaraang taon.
Bitbit ni Mayor TV ang kanyang negosyong Aprubado, kung saan nagbebenta ito ng clothing merchandise na talaga namang tinangkilik ng kanyang mga taga suporta.
Mula Day 1 hanggang Day 4 ay present ang “mayor ng bayan” upang magbenta at higit sa lahat ay makisamaluha sa mga kapwa nya vloggers at masugid na tagasuporta.
Team Payaman Fair: Isang Pasasalamat
Hindi rin pinalampas ni Mayor TV ang pagkakataon na pasalamatan ang mga organizers ng Team Payaman Fair, partikular na ang TP Fair Founder na si Viy Cortez, Rolando Cortez (VIYLine General Manager), Ivy Cortez-Ragos (Influencer Coordinator), at si Cong TV.
Ipinarating ni Mayor TV ang kanyang pasasalamat sa pamamagitan ng isang tula na tila buod ng kanyang masayang Team Payaman Fair experience.
“Team Payaman Fair Paawer Up 2023, isang karanasang dadalhin ko through eternity. Mapalinya at mapasama sa mga idol ko sa vlog, dun pa lang tapos na ‘to, ako’y panalo na agad,” bungad ni Mayor TV.
“Maayos at masaya ang TP Fair, di maitatanggi. Salamat kay Sir Rolly, Ate Ivy, at kay Viy. Congrats din sa lahat ng tumulong at nag-ambag-ambag, ang TP Fair sana naman masundan agad-agad,” dagdag pa nito.
“Ang Team Payaman Fair ay di tungkol sa kasikatan. Di paramihan ng subscribers, di paingayan ng pangalan. Ang TP Fair ang nagpatunay sa buong mundo na may lugar palang pantay kayo ng idol mo. Salamat, TP Fair.”
Watch the full vlog below:
