Team Payaman’s Kevin and Abigail Hermosada Go on a Walking Tour in Japan

Sa pagpapatuloy ng Japan travel series ni Kevin Hermosada, sinama naman nito ang kanyang mga manonood sa isang walking tour sa nasabing bansa. 

Para sa kanilang ika-apat na araw sa Osaka, Japan, naisipan ng mag-asawang Kevin at Abigail Hermosada na pansamantalang humiwalay ng lakad sa Team Payaman upang masulit ang kanilang honeymoon. 

Saan naman kaya nakarating ang dalawa sa kanilang kakaibang walking trip?

Walking in Japan

Sa kanyang bagong vlog, ibinahagi ni Kevin Hermosada ang “walking date” nila ng kanyang misis. Imbes na sumakay ng train o ano pa mang klase ng transportasyon, mas pinili ng dalawa na maglakad patungo sa kanilang destinasyon. 

Mula sa tinutuluyang bahay, kailangan lumakad ang dalawa ng higit 46-minuto upang marating ang sikat na tourist spot na Osaka Castle. 

“Ang sarap naman maglakad! Ngayon ko lang na-enjoy!” ani Mrs. Hermosada. 

Ayon kay Kevin, nais nyang masubukan nila ni Abby ang masayang paglalakad sa Japan dahil karaniwan naman itong ginagawa ng mga turista. 

Matapos ang higit isang oras na paglalakad ay ligtas nilang narating ang Osaka Castle. Hindi pinalampas ng mag-asawa ang pagkakataon na kumuha ng mga litrato sa magagandang tanawin sa nasabing lugar. 

Bagamat bigong makapasok at makapaglibot sa loob ng castle, nag-enjoy naman ang dalawa sa ganda ng view ng kanilang pinuntahan. 

“May na-achieve kami in one day, nilakad namin siya. Ang saya kasi yung trip, isa yun sa mga goal naming dalawa.”

Editing on point

Samantala, dahil sa ganda ng ikalawang yugto ng Japan travel series ni Kevin, hindi napigilan ng netizens na purihin ang mahusay na pagkaka-edit ng nasabing vlog. 

@rudylynbuque1703: “Love your editing skill kevs! Lupet!”

@jenmarano1447 “Ganda ng kulay. Angas!” 

@dianarosepurganan8970: “Kudos sa editor! Grabeee”

Watch the full vlog below:

Likes:
0 0
Views:
314
Article Categories:
VIYLINE ENTERTAINMENT NEWS

Leave a Reply

Your email address will not be published. Required fields are marked *