Hindi maikakailang hands on dad sa kanilang mga anak ang Team Payaman daddies na sina Cong TV, Junnie Boy, at Boss Keng. Kamakailan lang, hinamon ng TP dads ang isa’t-isa sa isang challenge kasama ang kanilang mga chikiting na sina Kidlat, Alona, at Isla.
Sa bagong YouTube vlog ni Cong TV, ipinakita nito ang isang pambihirang pagkakataon kung saan lumabas ang TP daddies kasama ang kanilang mga anak nang walang tulong ng kanilang mga misis o baby sitter.
Challenge accepted
Nagsimula ang lahat nang hamunin ni Boss Keng ang bayaw nitong si Cong TV na mamasyal kasama ang kanilang mga anak nang walang kasamang bantay.
“Tatay sa tatay lang! Pakuntian sila ng iyak ngayong araw, pag nanalo ka sakin, P5,000 ka!” hamon ni Boss Keng.
Agad namang kumasa si Cong TV sa hamon at dinamay pa ang kapatid nitong si Junnie Boy na isama ang bunsong anak na si Viela.
“It’s time to shine, anak!” ani Cong TV sa kanyang unico hijo na si Kidlat.
Ngunit pagsakay palang ng kotse ay nakapuntos na ng iyak si Kidlat dahil ayaw nitong maupo sa likod ng sasakyan.
Pagdating sa mall, kanya-kanyang diskarte sina Daddy Cong, Daddy Keng, at Junnie Dad upang libangin ang kanilang mga anak habang namamasyal.
Hindi nagtagal ay napagtanto ng mga ama kung gaano kahirap ang ginagawa ng kanilang mga misis sa tuwing sila ay namamasyal kasama ang mga chikiting.
Plot twist
Bago umuwi, inakala ng Team Payaman daddies na matatalo na sa hamon si Daddy Cong dahil sa halos apat na beses na pag iyak ni Kidlat.
“Beh tambak na tayo! ‘Wag ka nang umiyak, tambak na tayo!” biro ni Cong.
Ngunit maya-maya ay tila humabol pa ng iyak si Baby Isla. Sino nga kaya ang magtatagumpay sa nasabing hamon? Alamin!
Watch the full vlog below:
